– ءبىر-بىرىمەن قاتار كەلەتىن قاستەرلى مەرەكەلەر قارساڭىندا سىزدەردىڭ قايسارلىقتارىڭىز بەن ەرلىكتەرىڭىزگە قۇرمەت كورسەتە وتىرىپ, العىس ايتامىز! كەلەر ۇرپاققا بەيبىت ءومىر سىيلاعان ۇلى وتان سوعىسىنىڭ جانە تىل ارداگەرلەرىنىڭ ەرلىگىن باعالاۋ – ءبىزدىڭ پارىزىمىز. ءبىز – ارداگەرلەرىمىزدى ارداقتاپ, قارتتارىمىزدى قادىرلەيتىن حالىقپىز. ارداگەرلەرگە دەگەن قۇرمەتىمىز ولاردىڭ ەرلىكتەرىنەن كەم تۇسپەۋى ءتيىس, - دەدى قالا اكىمى.
كوپشىلىك كەلەر ۇرپاققا بەيبىت ءومىردى تارتۋ ەتكەن, ەرەن ەرلىگى ارقاشان ۇلگى قاھارمان ساربازداردى ەسكە سالدى. مەرەكەلىك جيىن بارىسىندا شىمكەنت قالالىق باسقارما باسشىلارى مەن ءماسليحات دەپۋتاتتارى 54 مايدانگەرگە تەلەديدار سىيلاسا, «Shymkent» اكك قىزمەتكەرلەرى ءبىر كۇندىك ەڭبەكاقىلارىن اۋدارماق.
مەرەكەلىك كەشتە ءسوز العان قالالىق ارداگەرلەر كەڭەسىنىڭ توراعاسى يسامۋددين ىرىسباي قالاداعى 54 ۇوس ارداگەرىنە 252 مىڭ تەڭگەدەن, ال 4276 تىل ارداگەرگە 12 مىڭ تەڭگە كولەمىندە سىياقى بەرىلەتىنىن مالىمدەدى. سالتاناتتى جيىندا سۇراپىل قانتوگىستە ەرلىك كورسەتكەن ازاماتتار مايدانداعى ەستەلىكتەرىمەن ءبولىستى.