فەدوروۆ اۋداندىق پوليتسيا ءبولىمىنىڭ جول پاترۋلىندە جۇرگەن پوليتسەيلەرى يۆان گالمۋەۆ پەن ەرمەك وتەمىسوۆ اۋدان ورتالىعىندا ەكى «كاماز» اۆتوماشيناسىن توقتاتتى. پوليتسەيلەر ەكى ماشينانىڭ دا تىركەمەسىنە استىق تيەلگەندىگىن بايقادى. ال جۇرگىزۋشىلەر كۇدىكتى كورىندى.
تاجىريبەلى پوليتسەيلەر بۇل تەگىن ماشينا ەمەس ەكەنىن بىردەن ءبىلدى. قۇجاتتارىن تەكسەرە كەلگەندە جۇرگىزۋشىلەردە استىقتى قايدان, كىمنەن العانى تۋرالى انىقتاما قۇجاتتار جوق بولىپ شىقتى. سوڭىنان ولاردىڭ ارتىپ بارا جاتقان استىعىنىڭ ۇرلانعانى بەلگىلى بولدى.
اۋدانداعى ءبىر كاسىپورىننان ۇرلانعان استىقتىڭ كولەمى 60 توننا 860 كگ, قۇنى 4 ميلليون تەڭگەدەن اسادى. بۇل وقيعا تىركەلىپ, قازىر قر قك 188-بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
قوستاناي