اعىمداعى جىلدىڭ مامىر ايىندا ۆەتەرينارلىق جانە تاماق قاۋىپسىزدىگىن قامتاماسىز ەتۋ بويىنشا قاجەتتى بىرلەسكەن شارالاردى تالقىلاۋ ماقساتىندا قازاقستاندىق ۆەتەريناريالىق قىزمەت وكىلدەرىنىڭ موڭعولياعا ساپارى جوسپارلانۋدا. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.
قازاقستاندىق مامانداردىڭ ساپارى اياسىندا جانۋارلاردىڭ اسا قاۋىپتى جانە ترانسشەكارالىق اۋرۋلارى بويىنشا موڭعولياداعى ەپيزووتيالىق جاعدايعا مونيتورينگ جۇرگىزۋ, ۆەتەريناريالىق زەرتحانالاردىڭ جەلىسىمەن تانىسۋ, جىلقى اۋرۋلارىن دياگنوستيكالاۋ بويىنشا ىنتىماقتاستىقتى تالقىلاۋ جوسپارلانۋدا.
قازىرگى ۋاقىتتا قازاقستاندىق ۆەتەريناريالىق قىزمەت اۋسىل, شوشقانىڭ افريكالىق وباسى, شوشقانىڭ كلاسسيكالىق وباسى, شوشقانىڭ رەسپيراتورلىق رەپرودۋكتيۆتى سيندرومىنىڭ ءورشۋىن تىركەۋگە بايلانىستى قاجەتتى تەرميالىق وڭدەۋدەن وتپەگەن ءتىرى جانۋارلار مەن مال شارۋاشىلىعى ونىمدەرىن موڭعوليادان قازاقستانعا اكەلۋگە تىيىم سالىنعانىن ەستەرىڭىزگە سالامىز.