قازاقستان تاراپىنىڭ باستاماشىلىعى بويىنشا 2017 جىلى 2 جەلتوقساندا بەكىتىلگەن ەكىجاقتى ەكونوميكالىق ىنتىماقتاستىقتىڭ جول كارتاسى, سونداي-اق شەكارالىق, كولىك, فيتوسانيتارلىق جانە ۆەتەرينارلىق باقىلاۋ, كەدەندىك جانە سالىقتىق اكىمشىلەندىرۋ سالاسىنداعى ىنتىماقتاستىق بويىنشا جول كارتاسىنىڭ ورىندالۋى تۋرالى ناتيجەلەردى تالقىلاۋ بويىنشا جۇمىس كەزدەسۋى ءوتتى.
كەزدەسۋدە قازاقستان-قىرعىز شەكاراسى ارقىلى تاۋارلار مەن كولىك قۇرالدارىنىڭ قوزعالىسى تۋرالى ماسەلەلەر تالقىلاندى.
كەزدەسۋ قورىتىندىسى بويىنشا تاراپتار دالمە-ءدال دەكلاراتسيانى انىقتاۋعا, يمپورتتالاتىن تاۋارلار تۋرالى سەنىمدى اقپارات الماسۋعا باعىتتالعان شارالاردى كۇشەيتۋگە كەلىستى.
تاراپتار بەلگىلى ءبىر تاۋار توپتارىنا قاتىستى شىعىن تاۋەكەلدەرىنىڭ كورسەتكىشتەرىن بىرىزدەندىرۋ بويىنشا جۇمىستى اياقتاۋعا كەلىستى, سونداي-اق بىرلەسكەن قۇندىق تاۋەكەل كورسەتكىشتەرىن قوسىمشا بىرىكتىرۋ بويىنشا ۇسىنىستارمەن الماسۋدى, قىتاي حالىق رەسپۋبليكاسىنان تاۋارلار اكەلۋ كەزىندە اقپاراتتىڭ دۇرىستىعىن قامتاماسىز ەتۋ جونىندەگى شارالاردى قابىلدايدى.
كەزدەسۋ سوڭىندا قىزمەت باسشىلارى ەكىجاقتى ىنتىماقتاستىقتى ودان ءارى دامىتۋ پەرسپەكتيۆالارىن تالقىلادى جانە جۇمىس كەزدەسۋىنىڭ حاتتاماسىنا قول قويدى.