جوبانىڭ ماقساتى - ۆەب-باعدارلامالاۋ سالاسىندا Iت ماماندارىن دايارلاۋ.
«بۇل جوبا ايماقتاعى ءىت ماماندارىنىڭ كادرلىق رەزەرۆىن قۇرۋعا, اتاپ ايتقاندا, ۆەب-باعدارلامالاۋ سالاسىندا جۇمىس ىستەۋگە مۇمكىندىك بەرەدى. جوبانى ىسكە اسىرۋ جۇمىسپەن قامتۋ, ءىت-قوعامداستىعىن مەن تەحنولوگيالىق كاسىپكەرلىكتى دامىتۋ جانە قولدانىستاعى مامانداردىڭ بىلىكتىلىگىن ارتتىرۋ ماسەلەلەرىن شەشەدى. اتالمىش جوبا حالىقتىڭ الەۋمەتتىك تۇرعىدان وسال توپتارىن دا قامتيدى جانە بىرقاتار الەۋمەتتىك ماسەلەلەردى شەشەدى دەپ سەنىممەن ايتۋعا بولادى. ەڭ باستىسى, جوبا اتامەكەن بالالار اۋىلىنىڭ تاربيەلەنۋشىلەرى ءۇشىن الەۋمەتتەنۋ ماسەلەسىن, سونداي-اق, تۇرمىسى تومەن جانە مارگينال جاستار اراسىندا ماسىلدىق كوزقاراستى بولدىرماۋ ماسەلەسىن شەشەدى», - دەپ اتاپ ءوتتى قىزىلوردا وبلىسىنىڭ تسيفرلىق تەحنولوگيالار باسقاراسىنىڭ ءبولىم مەڭگەرۋشىسى يۋليا ترەماسوۆا.
بۇل جوبانىڭ باسىم باعىتى رەتىندە پايدالانۋشى ينتەرفەيسىن قۇرۋدا «frontend» تاڭدالدى. مامانداردىڭ اتالمىش ساناتى - جۇمىسقا ورنالاسۋ ماسەلەسىندە سۇرانىسقا يە. سونداي-اق, جوبا شەڭبەرىندە تەحنولوگيالىق كاسىپكەرلىككە, ستارتاپتاردى ۇيىمداستىرۋعا جانە بيزنەس-قۇرالدارعا ەرەكشە كوڭىل بولىنەدى.
ۇيىمداستىرۋشىلاردىڭ ايتۋىنشا, كۋرس باعدارلاماسى قازاقستاننىڭ ءىت-جۇمىس بەرۋشىلەرى ۇسىناتىن ناقتى جوبالارمەن جۇمىس ىستەۋگە تولىق دايىن بولاتىنداي ەتىپ جاسالعان.
جوبا ۇيىمداستىرۋشىلاردىڭ مالىمەتىنە ساي, قاتىسۋشىلار بىرنەشە باعىتتا ساباق الىپ ۇلگەردى: HTML-قۇجات قۇرىلىمى, بازالىق ۇعىمدار, تەوريالار, ستيلدەۋدىڭ بازالىق مۇمكىندىكتەرىن زەرتتەدى, فورمالارمەن جۇمىس ىستەۋدى ۇيرەندى, بازالىق ولشەم بىرلىكتەرىن جانە پوزيتسيالاۋ مەحانيكاسىن زەردەلەدى, سەلەكتورلاردىڭ نە ەكەنىن جانە ولارمەن قالاي جۇمىس ىستەۋ كەرەكتىگىن ءبىلدى, CSS-نىڭ كەيبىر وزىق مۇمكىندىكتەرىمەن تانىستى. ودان ءارى ولار ويىندار مەن ءموبيلدى قوسىمشالاردى ازىرلەۋ, ءوزىنىڭ Telegram-بوتتى قۇرۋ, VR/AR تەحنولوگيالارى, قۇرىلىمىن ازىرلەۋ تۋرالى جانە ستارتاپ ءۇشىن سۋپەر كوماندانى قالاي قۇرۋ كەرەكتىگى جايلى ءبىلىم الدى.
كەزدەسۋلەرگە Mail.ru, Tinkoff, Bugart Games, ياندەكس , Chocofamily, Doctor.kz, Kazdream.kz, Kompra, سياقتى تانىمال كومپانيالاردىڭ وكىلدەرى قاتىستى.
وسى جوبانى ىسكە اسىرۋ بارىسىندا ءاربىر ساراپشى, بايانداماشى, ينۆەستور مەن بيزنەس يەسى مەنتور رولىندەگى تىڭداۋشىنى انىقتايدى. سونداي-اق, ۇيىمدا پراكتيكادان وتكىزۋ جانە ودان ءارى جۇمىسقا ورنالاستىرۋ مۇمكىندىگىن وزىنە قالدىرادى.
اتالمىش جوبا بويىنشا جۇمىس 6 ايدى (2019 جىلدىڭ ناۋرىز – قىركۇيەك ارالىعىن) قامتيدى. ونىڭ ىشىندە ونلاين وقىتۋ, ساۋالناما جۇرگىزۋ جانە قاتىسۋشىلاردى ىرىكتەۋ, سەمينار, ۆوركشوپ, كەزدەسۋ مەن بيزنەس-مودەل ويىندارى وتكىزىلەدى. جوباعا 14-35 جاس ارالىعىنداعى الەۋمەتتىك از قامتىلعان وتباسى مۇشەلەرى, ستۋدەنتتەر, وقۋشىلار مەن ءوزىن-ءوزى جۇمىسپەن قامتىعان 200 قاتىسۋشى 437 ءوتىنىم بەرۋشىنىڭ اراسىنان ىرىكتەلىپ الىندى. وقىتۋ اقىسىز نەگىزدە جۇرگىزىلەدى.
جوبا قىزىلوردا وبلىسىنىڭ تسيفرلىق تەحنولوگيالار باسقارماسى جانىنداعى «اقپاراتتىق تەحنولوگيالار ورتالىعى» كمم-ءنىڭ ۇيىمداستىرۋىمەن ءوتىپ جاتىر.