فەستيۆال 2019 جىلعى مامىردىڭ 24 مەن ماۋسىمنىڭ 1 ارالىعىندا وتەدى. Zlin Film Festival بالالار فيلمدەرىنە ارنالعان الەمدەگى ەڭ اۋقىمدى كينوفەستيۆال. فەستيۆال اياسىنداعى كورسەتىلىمدەر زلين قالاسىنان بولەك چەحيانىڭ باسقا دا قالالارىندا وتەدى. جىل سايىن فەستيۆال اياسىندا 50-دەن استام ەلدەن كەلگەن 300-گە جۋىق فيلم كورسەتىلەدى. 2010 جىلدان باستاپ فەستيۆالدى تاماشالاۋعا 95 مىڭنان استام ەرەسەك پەن كىشكەنتاي بالالار كەلگەن.
«مۇزبالاق» انيماتسيالىق ءفيلمى قازاقتىڭ عاسىرلار بويى قالىپتاسقان ساياتشىلىق مادەنيەتى جانە ادام مەن بۇركىت اراسىنداعى دوستىق تۋرالى باياندايدى.
«الەم كينو كەڭىستىگىنە قازاق انيماتسياسىنىڭ جەتىستىكتەرى تۋرالى جار سالاتىن كەز كەلدى. ءبىز سول ءۇشىن دە ەڭبەك ەتەمىز. ءبىزدىڭ ءاربىر جاساعان تۋىندىمىز اۋقىمدى كينوفەستيۆالگە قاتىسۋى ءتيىس. «مۇزبالاق» بيىك بەلەستەردى باعىندىرۋىنا تىلەكتەسپىن», دەدى «قازاقفيلم» اق انيماتسيالىق بىرلەستىگىنىڭ جەتەكشىسى اداي ءابىلدينوۆ.
ەستەرىڭىزگە سالا كەتەيىك, «مۇزبالاق» بىلتىر قر كينەماتوگرافيستەرى وداعىنىڭ «قۇلاگەر» جۇلدەسىندە, «ۇزدىك انيماتسيالىق فيلم» نوميناتسياسى بويىنشا جەڭىمپاز اتانعان. سونىمەن قاتار, XVII «الاۋ رۋحى» حالىقارالىق كينەماتوگرافيالىق دەبيۋتتەر كينوفەستيۆالىنىڭ بالالار جانە جاسوسپىرىمدەر فيلمدەرى كونكۋرستىق باعدارلاماسىنا قاتىسقان (حانتى-مانسيسك, رف).