جانگەلدين اۋدانىنىڭ پوليتسيا بولىمىنە وسى اۋدانداعى كولقامىس اۋىلىنان جوعالعان 62 باس ءىرى قارا مەن 12 ءۇيىر, ياعني 243 باس جىلقىنىڭ جوعالعانى جونىندە سۋىت حابار كەلىپ ءتۇستى. مالدى جەدەل ىزدەستىرۋگە وبلىستىق پوليتسيا دەپارتامەنتىنىڭ جانە اۋداندىق پوليتسيا ءبولىمىنىڭ تاجىريبەلى قىزمەتكەرلەرىنەن قۇرالعان ارنايى 5 توپ شىقتى.
پوليتسەيلەر كولقامىس بولىمشەسىنىڭ وڭتۇستىك-شىعىسىنا قاراي 20 شاقىرىم جەردە جوعالعان مالدىڭ 11 ءۇيىرىن, ياعني 228 جىلقى مەن 59 ءىرى قارانى تاپتى. قازىر مال يەسىنە تابىس ەتىلدى.
مالدىڭ بارلىعى دەرلىك ەركىن جايىلىمدا جۇرگەندە جوعالاتىنىن پوليتسيا تاعى دا ەسكەرتتى. سول ءۇشىن مالعا ەن سالۋدى, تاڭبالاۋدى تاعى دا ءوتىنىپ, اۋىل تۇرعىندارىن حاباردار ەتتى. ەگەر مالىن تاڭبالاماسا, دۇرىس ۇستاماسا, اكىمشىلىك ايىپپۇل سالىناتىن بولادى. ويتكەنى جوعالعان مالدى ىزدەستىرۋ ۇلكەن شىعىنعا تۇسەدى.