باستاما تۇرمىستىڭ قيىندىعىنان پايدا بولدى. جولداسى ارمان ەكەۋى بىرنەشە سيىر ۇستادى, ال ءسۇت وتكىزەتىن ورىن الىس, وعان بارعانشا ءسۇت اشىپ كەتىپ ءجۇردى, شىعىنعا باتقان كەزى دە بولدى. وسى كەزدە ناتالياعا «نەگە ىرىمشىك قايناتپايمىن؟» دەگەن وي كەلدى. بىراق ولاردا بۇل ءۇشىن قۇرال دا, قارجى دا جوق بولاتىن. تىعىرىقتان «بيزنەس-كەڭەس» كۋرسىنا جازىلۋ شىعاردى.
«كاسىپكەرلەر پالاتاسىنىڭ اۋداندىق فيليالىندا ماعان ءبىلىم بەرىپ عانا قويعان جوق, كاسىبىمدى اشۋعا, بيزنەس-جوسپارىمدى جاساۋعا كومەكتەستى. سونىڭ ارقاسىندا مەن 3 ميلليون تەڭگە گرانت الدىم. قوستاناي اۋدانىنداعى «سادچيكوۆ» جشس-دە بولىپ, ىرىمشىكتى وندىرىستىك دايىنداۋدى كوردىم», دەيدى ناتاليا.
ىرىمشىكتى دايىنداۋ ناعىز ونەر. ول ءوزىنىڭ اسحاناسىندا ونىڭ بارلىق سىرىن ۇيرەنۋدەن ءوتتى دەۋگە بولار. ال ول ناتاليانىڭ بولاشاق كاسىبىنىڭ كەپىلى بولدى. ونىڭ ىرىمشىگىن الدىمەن اۋىلداستارى ساتىپ الدى, ال قازىر كورشى اۋىلدار مەن قالالاردان دا سۇرانىس جاسايدى. ىرىمشىك جاساۋعا اسحاناسى تارلىق ەتكەننەن كەيىن ناتاليا ءوزىنىڭ مونشاسىن قايتا جوندەپ, تسەحقا اينالدىردى. قازىر ناتاليانىڭ ىرىمشىگى جەڭسىك اسقا اينالدى, ەڭ باستىسى, اۋىلداستارى ءۇشىن ارتىق ءسۇتتى قايدا تاپسىرۋ ماسەلەسى دە شەشىلدى.
قوستاناي