ەلىمىزدە بيىلعى جىل - جاستار جىلى بولىپ جاريالانۋىنا بايلانىستى, حالىق قالاۋلىلارى جاستارعا قاتىستى ماسەلەلەرگە ەرەكشە نازار اۋدارۋدا. وسى ورايدا, ولار ورال قالاسىنداعى جوعارى اگروتەحنيكالىق كوللەدجىنە باردى. كەزدەسۋ بارىسىندا دەپۋتاتتار 3D اقپاراتتىق ديزاين كابينەتىنىڭ جۇمىسىمەن تانىستى.
- تۇڭعىش پرەزيدەنت - ەلباسى ن.نازارباەۆ جاستاردى قولداۋ ماقساتىندا جۇمىس ورىندارىن اشۋعا تاپسىرما جانە جاس مامانداردى باسپانامەن قامتاماسىز ەتۋگە تاپسىرما بەردى. ەڭ باستىسى ەڭبەكتەنۋ كەرەك. بۇگىندە تىرلىك جاسايمىن, وسەمىن, ونەمىن دەگەن ادامعا بارلىق مۇمكىندىك قاراستىرىلعان. الدىنا ماقسات قويعان, ءارى سول جولدا تىنباي ەڭبەكتەنەتىن ادام جەتىستىككە جەتەدى دەپ ويلايمىن, - دەدى ءماجىلىس دەپۋتاتى قۇدايبەرگەن ەرجان.
سونداي-اق, ءماجىلىس دەپۋتاتتارى ماحامبەت وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتتەرىمەن كەزدەستى.
اڭگىمە بارىسىندا ءبىلىم بەرۋ سالاسىنداعى ستۋدەنتتەر مەن مۇعالىمدەرگە قاتىستى وزەكتى ماسەلەلەر كوتەرىلدى. سونداي-اق, بۇگىنگى كۇنى قوعامدا تالقىلانىپ جاتقان «مۇعالىمدەر مارتەبەسى تۋرالى» زاڭ جوباسى نازاردان تىس قالمادى.