قازاقستان پرەزيدەنتىنە «اتامەكەن» ۇلتتىق كاسىپكەرلەر پالاتاسىنىڭ وڭىردەگى جوبالارىنىڭ ىسكە اسىرىلۋ بارىسى جونىندە مالىمدەلدى, سونداي-اق مەملەكەت باسشىسى «ءبىر تەرەزە» قاعيداتى بويىنشا كاسىپكەرلەرگە كونسۋلتاتيۆتىك جانە ادىستەمەلىك كومەك كورسەتۋ مۇمكىندىكتەرىمەن تانىستى.
قاسىم-جومارت توقاەۆ شاعىن جانە ورتا بيزنەسكە قولداۋ كورسەتۋ مەملەكەتتىك ورگانداردىڭ ماڭىزدى مىندەتى سانالاتىنىن ايتىپ, وبلىس اكىمدىگىنە كاسىپكەرلىك سۋبەكتىلەرىنە قولايلى جاعدايلار جاساۋدى تاپسىردى.
قازاقستان پرەزيدەنتىنە ءوڭىردىڭ الەۋمەتتىك-ەكونوميكالىق دامۋ ناتيجەلەرى, وبلىستىڭ كولىك-لوگيستيكالىق جانە تۋريستىك الەۋەتىنىڭ ىسكە اسىرۋ بارىسى تۋرالى اقپارات ۇسىنىلدى. سونىمەن قاتار, «رۋحاني جاڭعىرۋ» باعدارلاماسى مەن مەملەكەت-جەكەمەنشىك سەرىكتەستىك اياسىنداعى جوبالارعا جانە الەۋمەتتىك جاعدايى تومەن تۇرعىندارعا قولداۋ كورسەتۋ ىسىنە باسا ءمان بەرىلدى.