ءسويتىپ, يەسىز تۇرعان الاڭقاي بۇگىندە ستۋدەنتتەردىڭ دەمالىسىن ءتيىمدى وتكىزەتىن ورىنعا اينالدى. مۇندا الاڭسىز كىتاپ وقۋعا دا, كومپيۋتەرمەن جۇمىس ىستەۋگە دە وتە قولايلى.
كىتاپحانا ديرەكتورى ءاسيا بيسيمباەۆانىڭ ايتۋىنشا, «رۋحاني جاڭعىرۋ» باعدارلاماسىن جانە جاستار جىلى اياسىندا قۇرىلعان ورتالىقتا جان-جاقتى اقپارات الۋعا بارلىق مۇمكىندىكتەر تۋدىرۋ ماقساتىمەن زاماناۋي تەحنيكالار, تەگىن ۆاي-فاي جەلىسى ورناتىلعان.
كوۆوركينگ ورتالىعىنىڭ جۇمىسىمەن تانىسقان حالىق قالاۋلىلارى ونىڭ بۇگىنگى زامان ۇردىستەرىنە تولىق جاۋاپ بەرەتىنىن باسا ايتتى. ەلوردالىق مەيماندارعا ءوتىنىش-تىلەكتەرىن جەتكىزۋشىلەردىڭ ءبىرى 3 كۋرس ستۋدەنتى اينەل اماندىقوۆانى «سەرپىن» باعدارلاماسى ارقىلى ءبىلىم الىپ جاتقان ول وقۋ ورداسىندا جاتاقحانا ماسەلەسىنىڭ وزەكتىلىگى تولعاندىراتىن بولىپ شىقتى.
«تەك تەرىسكەي وڭىرلەردە عانا ەمەس, قازاقستان بويىنشا ستۋدەنتتەردىڭ جاتىن ورىن ماسەلەسى قاتتى سەزىلىپ وتىر. قازىر بيۋدجەت ناقتىلانىپ, جاتاقحانالاردى جوسپارلاۋعا, قۇجاتتارىن دايىنداۋعا 1 ميلليارد تەڭگە قارجى ءبولىندى. نەگىزىندە, بۇل ماسەلە مەملەكەتتىك-جەكەمەنشىك ارىپتەستىك اياسىندا شەشىلۋى كەرەك. ء بىلىم جانە عىلىم مينيسترلىگى قوردالانعان پروبلەمانى جىلما-جىل شەشىپ وتىراتىن بولادى», دەدى ءماجىلىس دەپۋتاتى كارىباي مۇسىرمان.
ازىرگە مەملەكەتتىك-جەكەمەنشىك ارىپتەستىك اياسىندا سقمۋ-دە جاتاقحانا تۇرعىزۋعا قالتالى قارجىگەر شىعا قويماپتى. ءتۇيىندى جايت جەرگىلىكتى جەردە شەشىمىن تاپپاسا, رەسپۋبليكالىق مۇددەلى ۆەدوموستۆولاردان كومەك سۇراۋعا تۋرا كەلەتىن سەكىلدى.
ك. مۇسىرمان كەلتىرگەن دەرەكتەرگە سۇيەنسەك, ەلىمىزدە «سەرپىن-2050» باعدارلاماسىنىڭ جۇزەگە اسىرىلۋى كوڭىل كونشىتپەيدى. ويتكەنى, ديپلومدى جاستاردىڭ كوبى ءبىلىم العان ايماقتاردا جۇمىس ىستەۋگە ق ۇلىقسىز. بىلتىر جوو بىتىرگەن ستۋدەنتتەردىڭ 23 پروتسەنتى عانا بارعان جەرلەرىندە تۇراقتاپ قالعان. ال كوللەدجدى بىتىرگەندەردىڭ تەك 21,4 پايىزى عانا قالۋعا تىلەك بىلدىرگەن. ەندى وقۋ بىتىرگەن ايماقتا جۇمىس ىستەۋگە مىندەتتەيتىن شارالار قاراستىرىلۋدا. وقىعان ايماقتا جۇمىس ىستەۋگە قالعىسى كەلمەسە, 4 جىلعى مەملەكەتتىك تولەم قايتارىلىپ الىنادى.
م.قوزىباەۆ اتىنداعى سقمۋ-دە 7 مىڭنان استام ستۋدەنت ءبىلىم السا, سولاردىڭ 1 مىڭنان استامى – «سەرپىن» باعدارلاماسى بويىنشا وقيدى.