ونى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنعان «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 55-بابىنا سايكەس «حالىق دەموگرافياسى» قوعامدىق بىرلەستىگى ەدى. ءتيىستى قۇجاتتارىنىڭ بارلىعى تاپسىرىلدى. ال لينگۆيستيكالىق ەمتيحان بارلىق ءۇش كەزەڭ بويىنشا ءوتتى: تاقىرىپ بويىنشا جازباشا تاپسىرما جازۋ, ءماتىن وقۋ جانە لينگۆيستيكالىق كوميسسيا بەرگەن تاقىرىپقا كوپشىلىك الدىندا كەمىندە ون بەس مينۋت ءسوز سويلەۋ. ەمتيحان تاپسىرىلعاننان كەيىن لينگۆيستيكالىق كوميسسيا تالقىلاۋ وتكىزىپ, قورىتىندىلادى. وتىرىسقا ورتالىق سايلاۋ كوميسسياسىنىڭ مۇشەسى ءلاززات سۇلەيمەن قاتىستى. ءسويتىپ قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەلگەن جۇماتاي اليەۆتىڭ مەملەكەتتىك ءتىلدى قانشالىقتى ەركىن مەڭگەرگەندىگى جونىندە لينگۆيستيكالىق كوميسسيا مۇشەسى, فيلولوگيا عىلىمدارىنىڭ دوكتورى, پروفەسسور ءادىل احمەتوۆ ايتىپ بەردى.
ونىڭ ايتۋى بويىنشا, پرەزيدەنتتىككە ۇمىتكەر جۇماتاي اليەۆ ءتيىستى ۋاقىتىڭ تولىق پايدالانعان. "سوعان سايكەس جۇماتاي اليەۆ "مەملەكەت جانە ءدىن" اتتى تاقىرىپتى تاڭداپ الىپ شىعارما جازدى. بىراق سول تاقىرىپتى اشا المادى. ويتكەنى سويلەمدەردىڭ ءبارى جۇيەسىز بولدى. باس-اياعى ون ءۇش سويلەم, سودان ون توعىز قاتە جىبەردى. ال ەرەجە بويىنشا شىعارمادا سەگىز قاتە بولسا, ول قابىلدانبايدى. ءۇستىرت جازىلعان. ەكىنشى تاقىرىپقا كانديدات مۇحتار اۋەزوۆتىڭ "اباي جولى" كىتابىنىڭ 2-ءشى تومىنان ءۇزىندى وقىدى. بۇل جەردە دە ول شورقاقتىعىن تاعى بايقاتتى. ءۇشىنشى تاقىرىپ رەتىندە "ىرىس الدى – ىنتىماق" اتتى تاقىرىپتى الىپ, بايانداما جاسادى. بۇل جولى دا كانديدات "ىرىس الدى – ىنتىماق" تاقىرىبىن اشا المادى. تاعى دا ءۇستىرت بولدى. ساۋاتسىز بولدى. سوندىقتان كوميسسيا كەڭەسە وتىرىپ, تالىقىلاي كەلە پرەزيدەنتتىككە ۇمىتكەر جۇماتاي اليەۆ مەملەكەتتىك ءتىلدى ەركىن مەڭگەرمەگەن دەگەن قورىتىندى شىعاردى", دەدى.
ال 2019 جىلعى 29 ساۋىردە ورتالىق سايلاۋ كوميسسياسىنا "قازاقستان رەسپۋبليكاسىنداعى سايلاۋ تۋرالى" كونستيتۋتسيالىق زاڭنىڭ 60-بابىنىڭ 2-تارماعىنا سايكەس "قازاقستان قۇرىلىسشىلار وداعى" رەسپۋبليكالىق زاڭدى تۇلعالار بىرلەستىگىنەن تالعات فايزوللا ۇلى ەرعاليەۆتى قازاقستان رەسپۋبليكاسىنىڭ پرەزيدەنتتىگىنە كانديدات ەتىپ ۇسىنۋ تۋرالى شەشىمنىڭ كۇشىن جويۋ تۋرالى ۇسىنىم تۇسكەن بولاتىن.