اكە-شەشەسى ونىڭ ونەرگە دەگەن قىزىعۋشىلىعىن ەرتە بايقاپ «ماريچكا» سىرنايىن ساتىپ اپەرەدى. سودان بەرى مۋزىكانىڭ تىلسىم سىرىنا, عاجايىپ ۇنىنە دەگەن ىڭكارلىك, قۇشتارلىق ونىڭ جان دۇنيەسىن باۋراپ الۋمەن قاتار وتباسىن اسىراۋ كاسىبىنە دە اينالادى. ەكىنشى سىنىپتا سىرناي تارتۋدى جەتە ۇيرەنىپ العاننان كەيىن اۋىل ساحناسىندا «كرەيسەر اۆرورا» شىعارماسىن قۇيقىلجىتا تارتىپ, دۋ قول شاپالاقتاۋعا ماساتتانىپ كەتسەم كەرەك, تاعى دا تارتايىنشى دەپ قاتتى قيىلعانىم ەسىمدە, دەگەن ونەر يەسى مۋزىكالىق اسپاتتار جيناۋ حوببيىنە قالاي, قاشان بىلەك سىبانا كىرىسكەنىن تاراتىپ ايتىپ بەردى. كۇنشىلىك جەرلەرگە دەيىن ات ارىتىپ بارىپ تىرناقتاپ تولىقتىرعان كوللەكتسياسىندا قازىر ەكى جۇزگە تارتا سىرناي, بايان, اككوردەون, دومبىرا, سكريپكا, دابىل, داعىرا, كاستەنەت, گيتارا سەكىلدى اسپاپتاردىڭ ءتۇر-ءتۇرى جيناقتالعان. ارالارىندا سىيعا تارتىلعاندارى دا بار. كوبىنە ساتىپ الادى. دىبىستالۋى, سازى جاعىنان ءبىر-بىرىنە ۇقسامايتىن قاي-قايسىسىن بولسىن ول ەركىن تارتا الادى. قولى ەپسەكتى. سىنعاندارىن جوندەيدى.
سىرنايلاردىڭ ىشىندە ەڭ كونەسىنىڭ «جاسى» ءبىر عاسىردان اسىپ بارادى. ونى رەسەي جاقتان الدىرتقان. ەڭ قىمباتتىسى, مايدانگەر اعاسى يليادان مۇرا رەتىندە قالعان. 53 جاستاعى مۋزىكانت بۇگىندە وبلىستان شالعاي ورنالاسقان پولتاۆكا ەلدى مەكەنىندەگى مادەنيەت ءۇيىندە جۇمىس ءىستەيدى. وسىندا «حۋتوروك» بالالار ءانسامبلىن قۇرىپ, جەتەكشىلىك ەتىپ كەلەدى. ول مۋزىكالىق اسپاپتاردىڭ قۇلاعىندا وينايتىن ءبىرنەشە بۋىن تاربيەلەپ شىقتى.
جەرگىلىكتى مۋزىكانت كوللەكتسياسىن تولىقتىرىپ وتىرۋدى ۇمىتقان ەمەس. ايگىلى شەبەر ۆلاديمير پوتەحيننىڭ سىرنايىن ىزدەستىرىپ جۇرگەنىن جاسىرمايدى. كوكەيگە قوناقتاعان ارماننىڭ ءبىرى – تۋعان اۋىلىندا مۋزىكالىق اسپاپتار مۋزەيىن اشۋ. ول ءۇشىن ارنايى عيمارات ساتىپ الىپتى. قاراجات تابىلسا, كۇردەلى جوندەۋدەن وتكىزىپ العان سوڭ تۇپكى ماقساتىنا دەن قويماق.
ايتپاقشى, ۇمىتىپ بارادى ەكەنبىز, رەسەيلىك اتاقتى ونەرپازدار زاۆولوكيندەر وتباسى نەگىزىن قالاعان ءداستۇر ءىزىمەن «قۇيقىلجى سىرناي, كۇمبىرلە دومبىرا» ءمادەني شاراسى ءوڭىردە جاڭعىرتىلسا دەگەن ۇسىنىسى ەسكەرۋسىز قالماسا ەكەن دەگەن تىلەگى بار.
سولتۇستىك قازاقستان وبلىسى