اۋدان كولەمىندە 2011-2020 جىلدارعا ارنالعان «اقبۇلاق» باعدارلاماسىن ىسكە اسىرۋ ماقساتىندا 7 نىسانعا جوبا ازىرلەنگەن بولاتىن. 2016 جىلى «نۇرلى جول» باعدارلاماسى اياسىندا سەكسەۋىل كەنتىنە سۋ جەلىلەرىن جۇرگىزۋ جانە قايتا جاڭعىرتۋ جۇمىستارىنا 1 410 ملن تەڭگە, 2017 جىلعا 1 680,6 ملن تەڭگە قارجى قارالىپ, كونتۋ, بوگەن, شيجاعا, امانوتكەل, ارالقۇم, قامىستىباس ەلدى مەكەندەرىنە سۋ جەلىلەرىن جۇرگىزۋ جانە قايتا جاڭعىرتۋ جۇمىستارى جۇرگىزىلدى.
كەزىندە ۋربانيزاتسيا دەگەن جەلەۋمەن اۋىلداعى جۇرتتىڭ قالاعا كوشۋى زاڭدىلىق دەپ تۇسىندىرىلەتىن ەدى. سونىڭ سالدارىنان جۇرت الدارىنان باتپان قۇيرىق كۇتىپ تۇرعانداي قالاعا اعىلىپ, ونسىز دا كەتەۋى كەتكەن جۇمىسسىزدىق ماسەلەسىن ۋشىقتىرىپ جىبەرگەن. اۋىل – قازاقتىڭ التىن بەسىگى, ۇلت قاينارىنىڭ تۇما بۇلاعى. اۋىلعا جاعداي جاسالسا, مەملەكەتتىڭ ەكونوميكاسىن كوتەرۋدە ماڭىزعا يە بولادى. قالامەن تەڭەستىرىلگەن سوڭ شارۋاشىلىقتارعا جان ءبىتىپ جاتىر.