ءامىرجان قوسانوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنعان «ۇلت تاعدىرى» بىرلەسكەن ۇلتتىق-پاتريوتتىق قوزعالىسى» قوعامدىق بىرلەستىگى ونىڭ قاجەتتى قۇجاتتارىن ورتالىق سايلاۋ كوميسسياسىنا وتكىزگەن بولاتىن. ال ەندى مەملەكەتتىك ءتىلدى ەركىن مەڭگەرگەندىگىن انىقتايتىن لينگۆيستيكالىق كوميسسيادا ەمتيحاندى قالاي تاپسىرعانى جونىندە فيلولوگيا عىلىمدارىنىڭ دوكتورى, پروفەسسور, قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى تۇركىتانۋ كافەدراسىنىڭ مەڭگەرۋشىسى, لينگۆيستيكالىق كوميسسيا توراعاسى مىرزاتاي جولداسبەكوۆ: «بۇگىن لينگۆيستيكالىق كوميسسيادا جازباشا جۇمىس بويىنشا ءامىرجان قوسانوۆ «تاۋەلسىز مەملەكەتتەر دوستاستىعى: تاريحى مەن بۇگىنى» اتتى تاقىرىپتى تاڭدادى. ەكىنشى تاپسىرما بويىنشا اقىن قادىر مىرزا ءالىنىڭ شىعارماسىن الدى. ءۇشىنشى ەركىن تاپسىرما بويىنشا ىبىراي ءالتىنساريننىڭ «ونەر-ءبىلىم بار جۇرتتار» دەگەن ولەڭىن تاڭدادى. بۇل ءۇش تاپسىرما بويىنشا دا قازاقستان پرەزيدەنتتىگىنە كانديدات ءامىرجان قوسانوۆ مەملەكەتتىك ءتىلدى ەركىن مەڭگەرگەندىگىن جان-جاقتى, جوعارى دارەجەدە تولىقتاي كورسەتتى, – دەپ ايتىپ بەردى.
سونىمەن قاتار ورتالىق سايلاۋ كوميسسياسىندا قازاقستان رەسپۋبليكاسىنىڭ پرەزيدەنتتىگىنە كانديداتتار ءتولەۋتاي راقىمبەكوۆ پەن جامبىل احمەتبەكوۆتىڭ قر كونستيتۋتسياسىنىڭ جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ تالاپتارىنا سايكەستىگىن انىقتاۋ قاۋلىسى قابىلداندى. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنىڭ 54-بابىنىڭ 5-ءشى تارماعىنا جانە 55-بابىنا ساي «اۋىل» حالىقتىق-دەموكراتيالىق پاتريوتتىق پارتياسى» قوعامدىق بىرلەستىگى تولەۋتاي راقىمبەكوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنۋىنا بايلانىستى ونىڭ ءتيىستى قۇجاتتارىن ورتالىق سايلاۋ كوميسسياسى قابىلدادى. سول سياقتى وسى نەگىزدە قازاقستان رەسپۋبليكاسىنىڭ پرەزيدەنتتىگىنە جامبىل احمەتبەكوۆتى «قازاقستان كوممۋنيستىك حالىق پارتياسى» قوعامدىق بىرلەستىگى ۇسىنىپ, ونىڭ ءتيىستى قۇجاتتارىن ورتالىق سايلاۋ كوميسسياسى قابىلدادى.
ودان سوڭ قازاقستان رەسپۋبليكاسىنىڭ پرەزيدەنتتىگىنە كانديداتتار تولەۋتاي راقىمبەكوۆتىڭ جانە جامبىل احمەتبەكوۆتىڭ سايكەستىگىن تەكسەرۋدە جاردەمدەسۋى ءۇشىن ۋاكىلەتتى مەملەكەتتىك ورگاندارعا سۇراۋ سالىنىپ, ءتيىستى مالىمەتتەر الىندى. ال 2019 جىلعى 27 ساۋىردە ورتالىق سايلاۋ كوميسسياسىندا اتالعان قوس كانديداتتىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ وتىرىسى بولىپ, وندا ەكەۋىنىڭ دە مەملەكەتتىك ءتىلدى ەركىن مەڭگەرگەندىگى جونىندە شەشىم قابىلداندى.
ورتالىق سايلاۋ كوميسسياسى ىشكى ىستەر مينيسترلىگىنىڭ كوشى-قون قىزمەتى كوميتەتىنىڭ, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتiنىڭ جانە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتتەرى نەگىزىندە قازاقستان رەسپۋبليكاسىنىڭ پرەزيدەنتتىگىنە كانديدات تولەۋتاي راقىمبەكوۆتىڭ جانە قازاقستان رەسپۋبليكاسىنىڭ پرەزيدەنتتىگىنە كانديدات جامبىل احمەتبەكوۆتىڭ قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قويىلعان تالاپتارعا سايكەس كەلەتىنىن انىقتادى.
ءسويتىپ وبلىستاردىڭ, رەسپۋبليكالىق ماڭىزى بار قالالاردىڭ, قازاقستان رەسپۋبليكاسى استاناسىنىڭ سايلاۋ كوميسسيالارىنا قازاقستان رەسپۋبليكاسىنىڭ پرەزيدەنتتىگىنە كانديداتتى قولداۋ ءۇشىن قول جيناۋعا قول قويۋ پاراقتارى تاپسىرىلدى. قول جيناۋدى پرەزيدەنتتىككە كانديداتتىڭ سەنىم بىلدىرگەن ادامدارى جۇزەگە اسىراتىنىن جانە ول قول قويۋ پاراقتارىمەن رەسىمدەلەتىنىن اتاپ ءوتۋ قاجەت. سەنىم بىلدىرىلگەن ادامداردىڭ تىركەۋدى اۋماقتىق سايلاۋ كوميسسياسى قازاقستان رەسپۋبليكاسى ورتالىق سايلاۋ كوميسسياسى قاۋلىسىمەن بەكىتىلگەن نۇسقاۋلىعىنىڭ نەگىزىندە جۇزەگە اسىرادى.