جارمەڭكەگە «مەملەكەتتىك قىزمەت مەكتەبىنىڭ» تىڭداۋشىلارى, جوعارى جانە ورتا ارناۋلى وقۋ ورىندارىنىڭ ءبىتىرۋشى تۇلەكتەرى مەن جۇمىسسىزدىق بويىنشا تىركەۋدە تۇرعان ازاماتتار قاتىستى.
ءىس-شارانىڭ ماقساتى – مەملەكەتتىك قىزمەت جۇيەسىنە بەلسەندى, جاڭاشىل كوزقاراستاعى جاستاردى تارتۋ, وبلىستاعى جۇمىسسىزدىق دەڭگەيىن تومەندەتۋ, مەملەكەتتىك قىزمەتكە قىزىعۋشىلىق تانىتقان تۇلعالارعا بوس لاۋازىمدارعا ورنالاسۋ ءتارتىبىن ءتۇسىندىرۋ.
جارمەڭكەدە وبلىس ورتالىعىنداعى جەرگىلىكتى جانە اۋماقتىق مەملەكەتتىك مەكەمەلەردىڭ, الەۋمەتتىك سالا بويىنشا, سونداي-اق, قالا, اۋدان اكىم اپپاراتتارىنداعى بوس مەملەكەتتىك قىزمەت لاۋازىمدارى جۇرتشىلىق نازارىنا ۇسىنىلىپ, جالپى 500-گە جۋىق ۇيىمنىڭ بوس جۇمىس ورىندارى تانىستىرىلدى.
شارا اياسىندا جاستاردى پاتريوتتىق رۋحقا تاربيەلەۋ, ولاردىڭ مەملەكەتتىك قىزمەتكە دەگەن سەنىمىن ارتتىرۋ باعىتىندا ارنايى دايىندالعان بەينەروليك كورسەتىلدى.
سونىمەن قاتار جارمەڭكەدە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باسشىسى عالىم تۇرسىنباەۆ تالاپتى جاستاردى مەملەكەتتىك قىزمەتكە جانە الەۋمەتتىك سالالاردا جۇمىس ىستەۋگە شاقىردى.