ب. اسىلوۆا قازاقستان تاريحىندا العاش رەت بيىل 9 196 ورىنعا ارنالعان 29 جاتاقحانا پايدالانۋعا بەرىلەتىنىن ايتتى.
«ەلىمىزدىڭ تاريحىندا بۇعان دەيىن وسىنداي كورسەتكىش بولعان جوق. ۇزاق ۋاقىت بويى سالىنعان جاتاقحانالاردىڭ ماقساتتى قۇرىلىسى جۇرگىزىلدى. جىلىنا كوپ دەگەندە 2-2,5 مىڭ ورىن پايدالانۋعا بەرىلەتىن. اتالعان جوبانى ىسكە اسىرۋدا مەملەكەتتىك-جەكەمەنشىك ارىپتەستىك تەتىگىن قولدانۋ ءوز تيىمدىلىگىن كورسەتتى», — دەدى قر ۆيتسە-ءمينيسترى.
سونىمەن قاتار, ول جوبانى ىسكە اسىرۋدىڭ الدىندا وڭىرلەر بويىنشا بارلىق قاجەتتىلىككە تالداۋ جۇرگىزىلگەنىن اتاپ ءوتتى. بۇگىندە جالپى قاجەتتىلىك 91 مىڭ ورىندى قۇرايدى. ولاردىڭ ىشىندە جوو-لار بويىنشا — 68 مىڭ, كوللەدجدەر بويىنشا — 23 مىڭ. ەڭ جوعارى قاجەتتىلىك — الماتى قالاسىندا – 31 مىڭ ورىنعا, نۇر-سۇلتان قالاسىندا – 17 مىڭ ورىنعا, شىمكەنت قالاسىندا – 8,4 مىڭ ورىنعا. بيىل بەرىلەتىن 29 جوبا بارلىق وڭىرلەردە دەرلىك بولادى.
ۆيتسە-ءمينيستردىڭ ايتۋىنشا, جاتاقحانالار سالۋ جوباسىنىڭ جالپى قۇنى 152 ملرد تگ قۇرايدى. بۇگىندە جوبا تولىقتاي قارجىلاندىرىلعان.
«بيىل قر ءبىلىم جانە عىلىم مينيسترلىگى جوبانى جۇزەگە اسىرۋعا 1 ملرد تەڭگە قاراستىرعان. الداعى جىلداردا بىزدەگى ءۇش جىلدىق بيۋدجەتتىك تسيكلدى ەسكەرە وتىرىپ, شامامەن 14 ملرد تەڭگە كوزدەلگەن. نەگىزىنەن بىزدە بارلىق بيۋدجەتتىك ەسەپتەر بار, بيۋدجەت كوميسسياسىنىڭ وڭ شەشىمى بار. جالپى, بۇل جوبا قارجىلىق قامتاماسىز ەتىلگەن. قارجىلاندىرۋدىڭ جالپى كولەمى 152 ملرد تەڭگەنى قۇرايدى», — دەدى ب. اسىلوۆا.
سونداي-اق, ۆيتسە-مينيستر توسەك ورنىنا جۇمسالاتىن شىعىنداردى قىسقارتۋ تۋرالى ماسەلە بويىنشا تۇسىنىكتەمە بەردى. ونىڭ ايتۋىنشا, نىسان قۇرىلىسى كەزىندە ءبىر توسەك ورنىنا ارنالعان مەملەكەتتىك تاپسىرىس 122 اەك جانە رەكونسترۋكتسيالاۋ كەزىندە 47 اەك قۇرايتىنىن ايتتى.
«بىزگە ەكى ەسە قىمبات جوبالار ۇسىنىلدى. بىزگە قىمبات جوبالار ۇسىنعان وقۋ ورىندارى دا بار. بۇل نەگىزىنەن تەحنيكالىق جاعدايلاردى كەڭەيتۋ, جەكەلەگەن بولمەلەردىڭ بولۋى جانە ت.ب. ماسەلەلەرمەن ءتۇسىندىرىلدى. اتالعان تەتىك وسىنداي قىمبات جوبالاردى تولىعىمەن قامتي المايدى. سوندىقتان قاجەتسىز قىمبات جوبالاردى قىسقارتۋ تۋرالى تاپسىرما بەرىلدى», — دەدى ۆيتسە-مينيستر.
سونداي-اق, ۆيتسە-مينيستر بۇگىندە قر يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى 120, 180, 240 ورىنعا ارنالعان ءۇش ۇلگىلىك جوبانى ماقۇلداعانىن ايتتى. بارلىق جوبالار «قارجى ورتالىعى» اق سايتىنداورنالاستىرىلعان. قول قويىلعان كەلىسىمشارتتار بويىنشا 500 ورىندىق جاتاقحانانىڭ ورتاشا قۇنى شامامەن 800-900 مىڭ تەڭگەنى قۇرايدى.