ەكىجاقتى اسكەري ىنتىماقتاستىقتى نىعايتۋ ماقساتىندا اقتاۋعا «دجۋشان» مەن «سەپار» زىمىران كاتەرلەرى قۇرامىندا يران يسلام رەسپۋبليكاسى ارمياسى اسكەري-تەڭىز كۇشتەرى جاۋىنگەرلىك كورابلدەرىنىڭ جاساعى كەلدى.
جورىقتىڭ جالپى قاشىقتىعى شامامەن 450 تەڭىز ميلياسىن قۇرادى. اقتاۋ تەڭىز پورتىنداعى كورابلدەردى قازاقستان اسكەري-تەڭىز كۇشتەرىنىڭ «قازاقستان» زىمىران-ارتيللەريالىق كورابلى كۇتىپ الدى. تەڭىز حاتتاماسىنا سايكەس قر قك اتك مەن ير ارمياسىنىڭ اتك كورابلدەرى اراسىندا ساپار الماسۋ, سونداي-اق كورابلدەر ەكيپاجدارىنىڭ ءوزارا ەكسكۋرسيالارى كوزدەلگەن.
ساپار باعدارلاماسى اياسىندا ءارتۇرلى سپورت بويىنشا سايىستار جانە ير ارمياسى اتك كورابلدەرى ەكيپاجدارىنىڭ اقتاۋ ق. مادەني نىساندارى مەن كورىكتى جەرلەرىنە بارۋى وتكىزىلەدى. 2017 جىلدىڭ قىركۇيەگىندە قر اسكەري-تەڭىز كۇشتەرى كورابلدەرىنىڭ توبى «سارىارقا» جانە «ورال» زىمىران-ارتيللەريالىق كورابلدەرى قۇرامىندا يران يسلام رەسپۋبليكاسىنىڭ بەندەر-ەنزەلي پورتىنا ساپار شەككەنىن ەستەرىڭىزگە سالا كەتەيىك.