بۇگىن ماجىلىستە پالاتا سپيكەرى نۇرلان نىعماتۋليننىڭ توراعالىعىمەن اعىمداعى جىلعى 23-24 قىركۇيەكتە ەلوردامىز نۇر-سۇلتان قالاسىندا «ۇلكەن ەۋرازيا: ديالوگ. سەنىم. سەرىكتەستىك» تاقىرىبىندا وتەتىن ەۋرازيا ەلدەرى پارلامەنتتەرى توراعالارىنىڭ IV كەڭەسىنە دايىندىق پەن وتكىزۋ جونىندەگى ۇيىمداستىرۋ كوميتەتىنىڭ العاشقى كەڭەيتىلگەن وتىرىسى ءوتتى.
پارلامەنت وكىلدەرىنىڭ الداعى كەزدەسۋى قازاقستان رەسپۋبليكاسىنىڭ تۇڭعىش پرەزيدەنتى, ەلباسى نۇرسۇلتان نازارباەۆتىڭ ەۋرازيالىق يدەياسىنا 25 جىل تولۋىنا ارنالادى. ەلباسىنىڭ ەۋرازيالىق باستاماسى بۇگىنگى كۇنى الەمدىك دەڭگەيدە زور الەۋەتكە يە بولىپ وتىرعانىن ايتقان ءماجىلىس توراعاسى حالىقارالىق پارلامەنتارالىق قوعامداستىق وزەكتى ماسەلەلەردى جانە قازاقستاننىڭ استاناسىندا ەۋرازيالىق كەڭىستىكتىڭ تۇراقتى دامۋىن قامتاماسىز ەتۋ جولدارىن تالقىلاۋعا ىنتالى ەكەنىن اتاپ ءوتتى.
ءىس-شاراعا 70-تەن استام ەلدەن دەلەگاتسيالار قاتىسادى دەپ كۇتىلۋدە.
وسىعان وراي, ۇيىمداستىرۋ كوميتەتىنىڭ مۇشەلەرى ماڭىزى زور ساياسي حالىقارالىق وقيعا سانالاتىن الداعى پارلامەنتتىك فورۋمعا دايىندىق ماسەلەلەرىن قارادى.