«قازاقستان تەمىر جولى» ۇك» اق باسقارما توراعاسى ساۋات مىڭباەۆ قىتاي حالىق رەسپۋبليكاسىنا جاساعان ساپارى كەزىندە ءىرى كولىك-لوگيستيكالىق كومپانيالار مەن بىرقاتار پروۆينتسيا, قالا باسشىلارىمەن جۇكتەر تاسىمالىن ارتتىرۋ ءۇشىن ىڭتىماقتاستىقتى كەڭەيتۋ مۇمكىندىگىن تالقىلادى.
اتاپ ايتقاندا, سيان قالاسى مەرىنىڭ ورىنباسارى گاو گاومەن, چۋنتسين قالاسىنىڭ مەرى تان ليانچجيمەن, چەندۋ قالاسى مەرىنىڭ ورىنباسارى ليۋ سياوليۋمەن, سىچۋان پروۆينتسياسىنىڭ گۋبەرناتورىنىڭ ورىنباسارى لي يۋنتسزەمەن كەلىسسوزدەر بارىسىندا لوگيستيكالىق پلاتفورما وكىلدەرىمەن قازاقستان اۋماعى ارقىلى قىتايدان ەۋروپاعا كونتەينەرلىك تاسىمال ءوسىمىنىڭ وڭ ديناميكاسى اتاپ ءوتىلدى.
كەزدەسۋلەردە قازاقستان اۋماعى ارقىلى كونتەينەرلەرمەن ترانزيتتىك جۇكتەردى تاسىمالداۋ, تاسىمال كولەمىن ارى قاراي ارتتىرۋ جونىندەگى جۇمىستاردى جالعاستىرۋ ۋاعدالاستىعىنا قول جەتكىزىلدى.
كەلىسسوزدەر بارىسىندا س. مىڭباەۆ ءار ءتۇرلى كولىكتىك دالىزدەر بويىنشا جۇكتەردى جەتكىزۋ, قازاقستاندىق تەمىرجول ينفراقۇرىلىمىنىڭ مۇمكىندىكتەرى تۋرالى اقپارات بەرە كەتتى. سونداي-اق سيان قالاسىنىڭ قۇرعاق پورتىنا بيدايلىبۇرشاق داقىلدارى مەن ازىق ت ۇلىكتى تاسىمالداۋدى ۇيىمداستىرۋ مۇمكىندىكتەرىن قاراستىرۋدى ۇسىندى.
«KTZ Express» اق مەن سيان قالاسىنىڭ Xi'an Free Trade Port Construction and Operation Co., Ltd. جانە Xi’an Continental Bridge International Logistics Co., Ltd لوگيستيكالىق پلاتفورماسىمەن قىتاي – ەۋروپا, پارسى شىعاناعى ەلدەرى باعىتىندا, رەسەي, قازاقستان, ورتالىق ازيا جانە ترانسكاسپي ءدالىزى ەلدەرىمەن ستراتەگيالىق ىڭتىماقتاستىق شەڭبەرىندە كەلىسىمگە قول قويىلدى.
پەكيندە س.مىڭباەۆ قىتاي تەمىر جولدارىنىڭ باس ديرەكتورى لۋ دۋنفۋمەن تەمىرجول كولىگى سالاسىنداعى ىڭتىماقتاستىق ماسەلەلەرى بويىنشا كەلىسسوزدەر جۇرگىزدى. ساۋات مىڭباەۆ پەن لۋ دۋنفۋن قر جانە قحر اراسىنداعى شەكارالىق تەمىرجول وتپەلەرى ارقىلى جۇكتەر تاسىمالىنىڭ وڭ ديناميكاسىن اتاپ ءوتتى.
2019 جىلدىڭ سوڭىنا دەيىن تەمىرجولشىلار جۇك تاسىمالىن 15 ملن توننا كولەمىندە قامتاماسىز ەتۋدى جوسپارلاپ وتىر. جۇكاعىنىڭ كەدەرگىسىز وتكىزۋ ءۇشىن تاراپتار تاسىمال پروتسەسىن جەتىلدىرۋ, شەكارالىق تەمىرجول ينفراقۇرىلىمىن ارى قاراي دامىتۋ جونىندەگى جۇمىستاردى جالعاستىرۋعا ۋاعدالاستى. قابىلدانعان قوسىمشا شارالار, سونىڭ ىشىندە جەڭىلدىكتى تاريفتىك جاعدايلار قورعاس – التىنكول جانە الاشانكوۋ – دوستىق وتكەلى ارقىلى كولىكتىك باعىتتاردىڭ باسەكەلەستىگىن ارتتىرۋعا باعىتتالادى.
تاراپتار 1520 مم جولتاباندى ۋچاسكەلەردى بىرىكتىرۋدىڭ وڭتايلاندىرىلعان سحەماسى بويىنشا قۇرامداردى قالىپتاستىرا قىتاي – ەۋروپا – قىتاي قاتىناسىنداعى كونتەينەرلىك پويىزداردى ۇيىمداستىرۋدىڭ تيىمدىلىگىن اتاپ كورسەتتى.
كەزدەسۋ بارىسىندا «قازاقستان تەمىر جولى» ۇك» اق مەن قىتاي تەمىر جولدارى اراسىندا حالىقارالىق تەمىرجول قاتىناسىندا جۇكتەردى تاسىمالداۋ كەزىندە ەلەكتروندىق دەرەكتەرمەن الماسۋ تۋرالى كەلىسىمگە قول قويىلدى.