كەزدەسۋ بارىسىندا تاراپتار ينۆەستيتسيالىق ىنتىماقتاستىقتىڭ قازىرگى احۋالى مەن پەرسپەكتيۆالارىن تالقىلادى.
– ءبىز 7 جىل بۇرىن تابىستى ىنتىماقتاستىعىمىزدى باستادىق. بۇگىندە سىزدەردىڭ كاسىپورىندارىڭىز تەمىرجول سالاسىندا عانا ەمەس, سونداي-اق ماشينا جاساۋ سالاسىندا دا جۇمىس ىستەپ كەلەدى. كومپانياڭىز شىعاراتىن ءونىم ءوڭىر ەلدەرىندە سۇرانىسقا يە, – دەدى قازاقستاننىڭ تۇڭعىش پرەزيدەنتى.
اڭگىمەلەسۋ كەزىندە نۇرسۇلتان نازارباەۆ ەلىمىزدىڭ كولىك-ترانزيت الەۋەتىنىڭ ارتۋىنا وراي ينفراقۇرىلىمدى دامىتۋدىڭ ماڭىزدى ەكەنىن اتاپ ءوتتى.
– قازىر ينفراقۇرىلىمدىق دامۋ وڭىردەگى ماڭىزدى باعىتتاردىڭ ءبىرى سانالادى. بۇل قىتايدىڭ «ءبىر بەلدەۋ, ءبىر جول» باستاماسىنا دا بايلانىستى. ءبىز تەمىرجول جەلىلەرىن سالدىق, – دەدى ەلباسى.
انري پۋپار-لافارج نۇرسۇلتان نازارباەۆتىڭ ينۆەستيتسيالىق ىنتىماقتاستىقتى نىعايتۋ ىسىندەگى ءرولىن اتاپ ءوتىپ, كەزدەسۋگە مۇمكىندىك بەرگەنى ءۇشىن قازاقستاننىڭ تۇڭعىش پرەزيدەنتىنە ريزاشىلىق ءبىلدىردى.
– ەلەكتروۆوز قۇراستىرۋ زاۋىتىندا كوپ تەحنيكا شىعارىلدى. بۇل ءونىم شەتەل نارىعىنا دا جەتكىزىلۋدە. ازەربايجانعا ەكسپورتتاۋدى باستادىق. ءبىز قازاقستاندىق مامانداردىڭ ارقاسىندا ساپالى ءونىم شىعارۋعا مۇمكىندىك الدىق. قازىر ءوندىرىسىمىزدى كەڭەيتۋدى جوسپارلاپ وتىرمىز. زاۋىت قىزمەتكەرلەرىن 500-دەن 700 قىزمەتكەرگە دەيىن, سونداي-اق كاسىپورىننىڭ ونىمدىلىگىن جىلىنا 100 ەلەكتروۆوزعا دەيىن كوبەيتۋ جوسپاردا بار, – دەدى «ALSTOM» كومپانياسى باسقارماسىنىڭ توراعاسى.