«سامۇرىق-قازىنا» ۇاق» اق باسقارما توراعاسى احمەتجان ەسىموۆ «زامانداس» وتباسىلىق اۋلا كلۋبىندا بولدى. نۇر-سۇلتان قالاسىنداعى كوپبالالى, تولىق ەمەس جانە تۇرمىسى تومەن وتباسىلاردان شىققان 1500-دەن استام بالا اۋلا كلۋبتارىنا قاتىسىپ, قوسىمشا ءبىلىم الىپ جاتىر.
ءىس-ساپار بارىسىندا احمەتجان ەسىموۆ ءۇش اۋلا كلۋبتارىنىڭ بىرىندە بولىپ, جوبا قاتىسۋشىلارىمەن كەزدەستى. قور باسشىسى جاسوسپىرىمدەردىڭ مەكتەپتەن تىس ساپالى دامۋى مەن تاربيە الۋىنا جاعداي جاساۋدىڭ ماڭىزدىلىعىن اتاپ ءوتتى.
وتباسىلىق اۋلا كلۋبتارى بالالار مەن ەرەسەكتەرگە اعارتۋشىلىق, پسيحولوگيالىق قىزمەت ۇسىنا وتىرىپ, ولاردىڭ بوس ۋاقىتىن قىزىقتى وتكىزۋگە جاعداي جاسايدى. بالالار مەن جاسوسپىرىمدەر ءۇشىن كلۋبتا شاحمات, ءتىل دامىتۋ, تەاتر ونەرى, ارت-تەراپيا, حورەوگرافيا, اۆيامودەلدەۋ, كاراتە, دومبىرا, بي, ۆوكال, توعىزقۇمالاق, روبوتوتەحنيكا, گيتارا, گيمناستيكا سەكىلدى ۇيىرمەلەر مەن سپورت سەكتسيالارى تەگىن جۇمىس ىستەيدى. ەرەسەكتەرگە ارنالعان «باقىتتى وتباسى» اتا-انالىق كلۋبىندا پسيحولوگيالىق كونسۋلتاتسيالار, سونداي-اق اتا-انالار ءۇشىن بالالارمەن قارىم-قاتىناس ورناتۋ بويىنشا سەمينارلار وتكىزىلەدى.
ەلوردادا بارلىعى 3 اۋلا كلۋبى جۇمىس ىستەيدى. «Samruk-Kazyna Trust» الەۋمەتتىك جوبالاردى دامىتۋ قورى «سامۇرىق-قازىنا» اق كومپانيالار توبىنىڭ اتىنان بەس جىل بويى اۋلا كلۋبتارى بويىنشا جوبانى جۇزەگە اسىرىپ كەلەدى. اۋلا كلۋبتارى اشىلعاننان بەرى شامامەن 5000 بالا قاتىسقان. مۇنداي اۋلا كلۋبتارىنىڭ جەلىسىن تەك ەل استاناسىندا عانا ەمەس, باسقا ايماقتاردا دا دامىتۋ جوسپارلانىپ وتىر.
ايتا كەتكەن ءجون, 2019 جىلدىڭ باسىنان باستاپ «سامۇرىق-قازىنا» ۇلتتىق ءال-اۋقات قورى «جاس سامۇرىق» جوباسىن جۇزەگە اسىرىپ كەلەدى, وعان جاستار جىلى اياسىندا قازاقستاندىق جاس ۇرپاققا قولداۋ كورسەتۋ بويىنشا بىرقاتار شارالار كىرەدى. جوبانىڭ ميسسياسى - جاستاردى بىرىكتىرۋ, الەۋمەتتىك ماڭىزى بار ءىس-شارالارعا قاتىستىرۋ, شىعارماشىلىق الەۋەتتى دامىتۋ, ەڭبەك جانە جۇمىسقا ورنالاسۋ سالاسىنداعى جاستار ۇيىمدارىنىڭ الەۋمەتتەنۋى مەن جۇمىس ىستەۋى ءۇشىن جاعداي جاساۋ, سونداي-اق قازاقستاندىقتاردىڭ بولاشاق ۇرپاقتارىن قالىپتاستىرۋ مەن جان-جاقتى دامىتۋدىڭ الەۋمەتتىك-ەكونوميكالىق جاعدايىن جاقسارتۋ.