دوستىق ۇيىندە نۇر-سۇلتان قالاسىنىڭ قازاقستان حالقى اسسامبلەياسىنىڭ وزبەك ەتنومادەني ورتالىعى دۇنيەجۇزىلىك وزبەك جاستارى اسسوتسياتسياسىنىڭ وكىلدەرىمەن كەزدەستى.
پىكىر الماسۋ بارىسىندا تاراپتار: وزبەك ءتىلىن وقىتۋ كۋرستارىن اشۋ, ەتنيكالىق مەكتەپتەرگە ارنالعان وقۋ ادىستەمەلىك قۇرال شىعارۋ, وزبەك ەتنومادەني ورتالىعىن كىتاپپەن, ۇلتتىق قۇرالدارمەن, ۇلتتىق كيىمدەرمەن قامتاماسىز ەتۋ جانە كوپتەپ قوعامدىق-مادەني شارالار ۇيىمداستىرۋ ماسەلەلەرىن تالقىلادى.
كەزدەسۋگە كەلگەن قوناقتار – قازاقستانداعى وزبەكستان رەسپۋبليكاسى ەلشىلىگىنىڭ كونسۋلى د.حاكيموۆ; وزبەكستان جاستارى دۇنيەجۇزىلىك اسسوتسياتسياسىنىڭ توراعاسى م.اليمباەۆ; شەتەلدە وقيتىن جاستارمەن جۇمىس جاساۋ ءبولىمىنىڭ باسشىسى ا.كوميلوۆ; قىزمەتتەگى جاستارمەن جۇمىس جاساۋ ءبولىمىنىڭ باس مامانى ا.ۋرمونوۆ وسىنداي وتىرىستاردىڭ ماڭىزىن اتاي ءوتىپ, ۇيىمداستىرۋشىلارعا زور ريزاشىلىقتارىن ءبىلدىردى.
ال قوناقتاردى ەلوردامىزدىڭ دوستىق ءۇيى شاڭىراعىنىڭ استىندا, زور قۇرمەتپەن قارسى العان نۇر-سۇلتان قالاسىنىڭ قازاقستان حالقى اسسامبلەياسىنىڭ وزبەك ەتنومادەني ورتالىعىنىڭ وكىلدەرى – ش.پۋلاتوۆ, ا.شاريپوۆ, م.ابدۋجابباروۆ, س.يۋلداشەۆ قوناقتارعا ەستەلىك سىيلىقتارىن تارتۋ ەتتى.
پىكىر الماسۋ الاڭىنىڭ قاتىسۋشىلارى ءبىراۋىزدان: وزبەك ەتنوسىنا قولداۋ كورسەتىپ, ءتۇرلى ءىس-شارالاردى بىرلەسە اتقارىپ جاتقانى ءۇشىن قازاق ەلىنە, نۇر-سۇلتان قالاسىنىڭ اكىمدىگىنە, نۇر-سۇلتان قالاسىنىڭ قازاقستان حالقى اسسامبلەياسىنا العىستارىن ءبىلدىردى.