«دالالىق اسحانا» كونكۋرسىنىڭ باستى ماقساتى حالىقارالىق اسكەري ىنتىماقتاستىقتى جانە اسكەري-تەحنيكالىق سەرىكتەستىكتى نىعايتۋ, اسكەري قىزمەتتىڭ مارتەبەسىن ءوسىرۋ, جاۋىنگەرلىك دايارلىقتاعى باسەكەلەستىكتى ارتتىرۋ جانە اسكەري-ارنايى تەحنيكالاردىڭ مۇمكىندىكتەرىن كورسەتۋ بولىپ تابىلادى.
كونكۋرس ەرەجەسى ءۇش كەزەڭگە بولىنگەن, ءبىرىنشىسى – «اتىس دايارلىعىنان جارىس», ەكىنشىسى – «ازىق-ت ۇلىك ونىمدەرىنەن مازىرگە سايكەس تاعام مەن نان دايىنداۋ», ال ءۇشىنشىسى – «ءوز قالاۋى بويىنشا بەرىلگەن ازىق-ت ۇلىك ونىمدەرىنەن تاعام مەن نان دايىنداۋ». ءبىرىنشى كەزەڭ بارىسىندا اسكەري اسپازشىلاردىڭ مەرگەندىگى سىنالسا, كەلەسى كەزەڭدەردە ولاردىڭ ءبىرىنشى, ەكىنشى جانە ءۇشىنشى تاماقتاردىڭ, سالقىن تىسكەباساردىڭ, ءنارسۋدىڭ رەتسەپتىگە وراي دايىندالۋى,ونىڭ ساپاسى باعالاندى. اسپازشىلاردىڭ مازىرىندە ۆينەگرەت سالاتى, جازعى سالات, بورشش, سوليانكا, كۇرىش بوتقاسى بار قۋىرىلعان گوربۋشكا, كارتوفەل قوسىلعان لانگەت, مۇكجيدەك مورسى, قۇرعاق جەمىستى كومپوت بولدى. سونىمەن قوسا, اسكەريلەر نان مەن نان-بولىشكە ونىمدەرىن بەكىتىلگەن رەتسەپتىگە ساي دايىندادى.
تاماق جانە نان ونىمدەرىن ازىرلەۋ ءۇشىن اسكەري اسپازشىلار مەن ناۋبايشىلار دالالىق جاعدايدا پپ-40 تاسىمالدايتىن پليتاسىن, كپ-30 تاسىمالداناتىن اسحاناسىن, كپ-130 پريتسەپتى اسحاناسىن جانە پريتسەپتى نان ازىرلەۋ بلوكتارىن قولدانادى.
«باتىس» وڭىرلىك قولباسشىلىعى كومانداسىنىڭ قۇرامىنا اقتوبەلىك 30238 اسكەري ءبولىمى مەن اقتاۋداعى 75488 اسكەري بولىمىنەن 2 اسپازشى پەن 2 ناۋبايشى كىردى. بۇگىنگى كۇنى كوماندا مۇشەلەرى قارۋلى كۇشتەردىڭ ىرىكتەۋ جارىسىنا قىزۋ دايىندالۋدا.
«دالالىق اسحانا» حالىقارالىق ارميالىق ويىنداردىڭ ازىق-ت ۇلىك قىزمەتى ماماندارىنا اراسىندا وتكىزىلەتىن ەرەكشە قىزىقتى كونكۋرس بولىپ تابىلادى. اتالمىش سايىس رەسەي فەدەراتسياسىنىڭ ماسكەۋ وبلىسى «الابينو» پوليگونىندا وتەدى, ال سايىستىڭ ۇرانى «جاقسى اۋقاتتانسان – ۇرىستا جەتىستىككە جەتەسىن» ءسوزى بولىپ تابىلادى.