مەملەكەت باسشىسى نۇرسۇلتان نازارباەۆ الماتى وبلىسىنىڭ اقسۋ اۋدانىنداعى “قىزىلاعاش” سۋ قويماسىنداعى بوگەتتىڭ بۇزىلۋى سالدارىنان قايتىس بولعانداردىڭ وتباسىلارىنا كوڭىل ايتۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
“ادام ولىمىنە اكەلىپ سوققان الماتى وبلىسىنىڭ اقسۋ اۋدانىنداعى “قىزىلاعاش” سۋ قويماسىندا ورىن العان اپات تۋرالى حاباردى قايعىرا قابىل الدىم. قازاقستان حالقىنىڭ جانە جەكە ءوزىمنىڭ اتىمنان قايتىس بولعانداردىڭ تۋعاندارى مەن جاقىن تۋىستارىنا, سونداي-اق اپات سالدارىنان زارداپ شەككەندەردىڭ بارلىعىنا قايعىرىپ كوڭىل ايتامىن”, دەلىنگەن كوڭىل ايتۋ جەدەلحاتىندا.
پرەزيدەنتتىڭ تاپسىرماسى بويىنشا اپاتتىڭ ورىن الۋ سەبەبى مەن ونىڭ سالدارلارىن جويۋ جانە زارداپ شەككەندەرگە قاجەتتى كومەك كورسەتۋ ءۇشىن ۇكىمەتتىك كوميسسيا قۇرىلدى.