سانكت-پەتەربوردا Vortex Sport Battle بۇكىلرەسەيلىك كاسىپقوي تۋرنير ءوتتى. وندا اوسك-نىڭ سپورتشىسى سەرگەي تسىرۋلنيكوۆ جەڭىمپاز اتاندى. سپورت تۇرلەرىندە مىقتى اتلەتشىلەر, چەمپيوندار مەن رەكوردشىلار, سونداي-اق تانىمال سپورتتىق بەينەبلوگەرلەر امبەباپ ارەنادا كۇش پەن توزىمدىلىك تۇرعىسىنان ءبىر-بىرىمەن باق سىناستى. ءتۋرنيردىڭ 7-ءشى ماۋسىمى اياسىندا ارميالىق سپورتشى رەسەيدىڭ ەڭ مىقتى ادامى ياروسلاۆلدىك باتىر, رەسەي فەدەارتسياسىنىڭ ءتورت كۇشتىك رەكوردىنىڭ يەگەرى ميحايل ساۆينمەن سايىسقا ءتۇستى.
«Vortex Sport حالىقارالىق جوباسى سپورتتىڭ كۇشتىك تۇرلەرىن تانىمال ەتۋ, جاپپاي جانە جەكە سپورتتىق سايىستاردى وتكىزۋ, جوعارى ساپاداعى ۆيدەو شىعارۋ, سپورتتىق ونىمدەردىڭ جەلىسىن دايىنداۋ ءۇشىن قۇرىلعان», - دەدى اوسك-نىڭ سپورتشىسى.
ەستەرىڭىزگە سالا كەتسەك, سەرگەي تسىرۋلنيكوۆ الەمنىڭ, گيننەس رەكوردتار كىتابىنىڭ 4 دۇركىن رەكوردشىسى جانە قازاقستاننىڭ 5 دۇركىن رەكوردشىسى, ۆولەيبول مەن پاۋەرليفتينگتەن سپورت شەبەرى, گىر سپورتىنان سپورت شەبەرلىگىنە كانديدات, بىرقاتار قاۋىپتى, كۇردەلى تريۋكتار ء(تورت جىلقىنى ۇستاپ تۇرىپ, 148 توننالى ۆاگونى بار تەپلوۆوزدى بىرنەشە مەترگە سۇيرەگەن) جانە وزگە دە كوزتارتار نومىرلەردىڭ ورىنداۋشىسى. اقمولا وبلىسى, شورتاندى اۋدانىنىڭ تۋماسى, قاجىمۇقان مەن بالۋان شولاق اتتى قازاق بالۋاندارىنىڭ ءداستۇرىن جالعاستىرۋشى.