فەستيۆالدىڭ باستى ماقساتى - جاستاردىڭ مادەني, رۋحاني دامۋىنا, شىعارماشىلىق وسۋىنە ىقپال ەتۋ, جاستار اراسىندا سالاۋاتتى ءومىر سالتىن ناسيحاتتاۋ, جوعارى وقۋ ورىندارىنىڭ اراسىندا بايلانىستى نىعايتۋ.
-وسى جىلى Yessenov Fest ءوز اۋقىمىن ۇلكەيتە ءتۇستى. فەستيۆالعا Yessenov University ستۋدەنتتەرى عانا ەمەس, رەسپۋبليكامىزدىڭ تۇكپىر-تۇكپىرىنەن جينالعان جاستار ۇلكەن شارادا باس قوسىپ, سايىستاردا باق سىنايدى. فەستيۆال بارىسىندا باسكەتبول, جاعاجاي ۆولەيبولى, 3x3 فۋتبول, قازاقشا كۇرەس, workout, جۇگىرۋ مارافونى سياقتى سپورت تۇرلەرى, جانە دە ونەر بايقاۋلارى وتكىزىلەدى, دەيدى وقۋ ورنىنىڭ تاربيە جونىندەگى پرورەكتورى گ.جولداسباەۆا.
سپورتتىق سايىستاردىڭ باسىم بولىگى 19 ءساۋىر كۇنى 7-ش/ا DOMA DOMA Streetcourt الاڭىندا وتسە, 20 ءساۋىر كۇنى 32-ش/ا باستاپ 15-ش/ا جاعاجايعا دەيىن ۇلدارعا 10 شاقىرىم جانە قىزدارعا 5 شاقىرىمدىق مارافون ۇيىمداستىرىلادى. فەستيۆال قورىتىندىسىندا سپورتتىق جانە شىعارماشىلىق بايقاۋلاردىڭ جەڭىمپازدارىنا باعالى سىيلىقتار مەن سەرتيفيكاتتار تابىستالادى.
سونداي-اق, 20 ءساۋىر كۇنى 15 ش/ا «ۆيكتوريا» قوناق ۇيىنە قاراما-قارسى جاعاجاي الاڭىندا رەسپۋبليكالىق دەڭگەيدە زاماناۋي بي سايىسى, قازاقستان ەسترادا جۇلدىزدارىنىڭ قاتىسۋىمەن قورىتىندى گالا-كونتسەرت وتكىزىلەدى.
فەستيۆال اياسىندا ءار ءتۇرلى سپورت تۇرلەرىنەن بولەك وسى جىلى «جاس كاسىپكەرلەر» بايقاۋى, Yessenov ءپان وليمپياداسى جانە رەسپۋبليكالىق دەبات ءتۋرنيرى وتكىزىلەدى. وسى ءۇش بايقاۋدىڭ جەڭىمپازدارىنا Yessenov University-دە وقۋعا ارنايى گرانتتار مەن جەڭىلدىكتەر قاراستىرىلعان.