كومپانيا باسشىلىعى مەن Facebook الەۋمەتتىك جەلىسىنىڭ باسشىلىعى Instagram-نىڭ ميلليونداعان پايدالانۋشىلارىنىڭ قۇپيا سوزدەرىن كومپانيانىڭ ىشكى سەرۆەرلەرىندە شيفرلەنبەگەن تۇردە ساقتاعالعانىن مويىندادى. بەيسەنبى كۇنى Facebook رەسمي بلوگىندا جاريالانعان قۇجاتتا كورسەتىلگەندەي, كومپانيا قىزمەتكەرلەرى ولارمەن كەدەرگىسىز تانىسا الاتىنى بەلگىلى بولدى.
ناۋرىز ايىنىڭ سوڭىندا جاريالانعان حاباردا, قاڭتار ايىندا الەۋمەتتىك جەلىدە «تۇراقتى تەكسەرۋ» جۇرگىزىلگەنى تۋرالى ايتىلدى. «ءبىز كەيبىر پايدالانۋشىلاردىڭ قۇپيا سوزدەرى دەرەكتەردى ساقتاۋدىڭ ىشكى جۇيەلەرىندە وقىلاتىن [شيفرلانباعان] تۇردە ساقتالاتىنىن انىقتادىق, - دەلىنگەن حابارلامادا. - ءبىز وسى كەمشىلىكتەردى تۇزەتىپ, پارولدەرى وسىلاي ساقتالعان بارلىق ادامداردى حاباردار ەتەمىز». بۇل - Facebook Lite ميلليون پايدالانۋشىلارىنىڭ [فۋنكتسيالار جيىنتىعى بار قوسىمشا], ونداعان ميلليون Facebook پايدالانۋشىلارىنىڭ جانە ونداعان مىڭداعان Instagram پايدالانۋشىلارىنا قاتىستى.
الايدا, بەيسەنبى كۇنى جاريالانىمعا تولىقتىرۋلار ەنگىزىلدى. «وسى پوست ورنالاستىرىلعان ساتتەن باستاپ ءبىز وقىلاتىن فورماتتا ساقتالعان Instagram پارولدەرىنىڭ قوسىمشا ءتىزىمىن انىقتادىق. ءبىزدىڭ ەسەپتەۋىمىز بويىنشا, بۇل ماسەلە Instagram ميلليونداعان پايدالانۋشىلارىنا قاتىستى بولدى. ءبىز بۇل پايدالانۋشىلاردى باسقالارمەن بىردەي حاباردار ەتەمىز», دەلىنگەن جاريالانىمدا.