الماتىلىق كاسىپكەر ايان كوشەرباەۆ - «House of students» جاتاقحاناسىنىڭ يەسى. عيمارات ستۋدەنتتەردىڭ جاتاقحاناسى رەتىندە سالىنعان, الايدا ول جەردەگى ىڭعايلىلىق الدەقايدا جوعارى دەڭگەيدە. مىسالىعا كەلتىرەتىن بولساق, ءاربىر بولمەدە جۋىناتىن بولمە مەن سانۋزەل, كيىم مەن اياق كيىمدەردى ىڭعايلاستىرىپ قوياتىن شكافتارى بار بولمەلەر قاراستىرىلعان. سونداي-اق جاتاقحانانىڭ ىشىندە سپورتتىق زال, تۇراتىندارعا ارنالعان جەڭىل باعامەن مەيرامحانا, بلوگەر-ستۋدەنتتەر ءۇشىن كەڭسە جانە تۋراگەنتتىك قىزمەت ەتەدى.
«ستۋدەنتتەر جاتاقحاناسىن سالۋ يدەياسى قازاقستانعا شەتەلدىك ستۋدەنتتەردى اكەلۋمەن اينالىسقاننان كەيىن ويعا كەلدى. الماتىعا ۇندىستەر, قىتايلار, پاكىستاندىقتار كەلە باستاعاندا, ولاردى ورنالاستىراتىن ورىن بولعان جوق. ۋنيۆەرسيتەت جاتاقحانالارىندا ورىن جەتىسپەۋشىلىك ماسەلەسى بار. سول ساتتەن باستاپ, ءبىز جاتاقحانا اشۋدى قولعا الدىق. جوبانى ىسكە قوستىق, ول تابىستى ناتيجەسىن بەردى. قازىرگى تاڭدا بىزدە 450 ستۋدەنت تۇرادى, ولاردىڭ جارتىسى شەتەلدىكتەر. ستۋدەنتتەردىڭ باسىم كوپشىلىگى مەديتسينا ۋنيۆەرسيتەتى, قازۇۋ, كازاتيسو, UIB ستۋدەنتتەرى. ەڭ قىزىق ايتارلىق جاعداي, ءبىز ءوز قىزمەتتەرىمىزدى اسا جارنامالاعان جوقپىز. ءبىرىنشى كۇنى 10 ادام قونىستاندى, ال ءبىر اي ىشىندە 150 ادام قونىستاندىردىق. ستۋدەنتتەردىڭ ءبىر-بىرىنە ءبىزدىڭ حوستەل تۋرالى ايتىپ, جارنامالاۋلارى اسەر ەتتى», - دەپ ايتتى ايان كوشەرباەۆ ءوز سوزىندە.
جاتاقحانا الماتى قالاسى المالى اۋدانىندا ورنالاسقان, بۇل, ارينە, ونىڭ سۇرانىسىنا اسەر ەتپەي قويمايدى. ءبىر ادامعا تۇرۋ قۇنى ايىنا 20 مىڭ تەڭگەنى قۇرايدى. بۇل جوو جاتاقحانالارىنان قىمباتتاۋ, بىراق پاتەردى جالعا الۋدىڭ جانىندا ارزان.
«مەن قازاقستاندا مەديتسينالىق ءبىلىم الۋدى تاڭدادىم, سەبەبى ول قحر-دا نەمەسە فيليپپيندە ءبىلىم الۋ سياقتى جوعارى باعالانادى, بىراق بۇل جاقتىن وقۋ باعاسى الدەقايدا قولايلى. مىسالىعا ايتاتىن بولساق, ءۇندىستاندا مەديتسينا وقۋى جىلىنا كەم دەگەندە 45 000 دوللار تۇرادى, ال مۇندا مەن تەك 7 000 دوللار تولەيمىن. بۇل جاقتا 6 جىل وقۋىمدى وقىپ, كەيىن وتانىما قىزمەت ەتۋگە كەتەمىن. بىزدە دارىگەرلەر بارىنەن جوعارى تابىس تاباتىن قىزمەتكەرلەر قاتارىندا, ولاردىڭ جالاقىسى قازاقستاندىق ولشەم بويىنشا 1 ملن تەڭگەنى قۇرايدى. ءبىزدىڭ بولمەدە 3 قىز تۇرامىز, ولاردىڭ بارلىعى ينديادان كەلگەن. بىزگە مۇندا تۇرۋ وتە ىڭعايلى, سونداي-اق جاتاقحاناداعى مەيرامحانادا ءۇندى تاعامدارى دا بەرىلەدى», - دەيدى قاشعاردان كەلگەن 19 جاسار ميتحاد اسوفي.
اسىلبەك جانۇزاقوۆ – ءال-فارابي اتىنداعى قازۇۋ-ءنىڭ فيزيكا-تەحنيكالىق فاكۋلتەتىنىڭ 1 كۋرس ستۋدەنتى, تارازدان كەلگەن. بوس ۋاقىتىندا ول بەينە روليك ءتۇسىرىپ, ولاردى وندەيدى, ينستاگرامدا ستۋدەنتتىك ءومىر تۋرالى بەينەبلوگىن جۇرگىزەدى. مۇنداي بەلسەندىلىكتى بايقاعان جاتاقحانا يەسى اسىلبەككە تەگىن تۇرۋعا مۇمكىندىك بەرگەن.
«ءبىز شىعارماشىل, بەلسەندى جاستارعا قولداۋ كورسەتكىمىز كەلەدى. كەلەسى وقۋ جىلىنان باستاپ ستۋدەنتتەر ءۇشىن 100 تەگىن ورىن ءبولۋدى جوسپارلاپ وتىرمىز. شارتتى تۇردە, ءبىز ولاردى ءۇش جەڭىلدىكتى توپقا بولەتىن بولامىز: بەلسەندى بالالار, كوپ بالالى وتباسىنان شىققان جانە تۇرمىسى تومەن بالالار ءۇشىن دەپ. مىسالىعا, ەگەر ولاردىڭ اتا-انالارىندا نەسيەلەر كوپ بولسا, ستۋدەنتتەر شىن مانىندە تولەۋگە قينالسا, ءبىز ارقاشان ولارعا جەڭىلدىكتەر بەرۋگە تىرىسامىز. مەن تەك جاقسى وقيتىنداردى عانا ەمەس جالپى الامىن, وزىمدە مەكتەپ قابىرعاسىندا اسا جوعارى وقيتىنداردىڭ قاتارىندا بولمادىم. مەندە ستۋدەنت بولعانمىن جانە بالا كەزىمنەن ءوز مەملەكەتىمە قانداي دا ءبىر پايدا اكەلگىم كەلدى. ستۋدەنتتەردىڭ جايلى جاعدايدا ءومىر سۇرگەنىڭ قالايمىن, سەبەبى ساپالى ءبىلىم مەن تىڭ ويلار جاقسى تۇرمىستىق جاعدايدان كەلەدى, بۇل ءبىزدىڭ بولاشاعىمىز», - دەپ ايتتى ايان كوشەرباەۆ.
جاس كاسىپكەردىڭ مۇنداي جوبالارى قازاقستاننىڭ باسقا ايماقتارىندا دا بولاتىن بولادى. سەمەيدە 1200 ورىندىق ستۋدەنتتىك جاتاقحانا جۇمىس ىستەيدى, 800 ورىندىق تاعى ءبىر جاتاقحانا استانادا ىسكە قوسىلادى. سونىمەن قاتار, الماتىداعى جاتاقحانا 2700 ورىنعا دەيىن كەڭەيتىلەدى, قازىرگى تاڭدا قوسىمشا قۇرىلىس جۇمىستارى ءجۇرىپ جاتىر.
ستۋدەنتتىك جاتاقحانالاردى قارجىلاندىرۋ مۇمكىندىكتەرى تۋرالى بىلگەن ايان كوشەرباەۆ مەملەكەتتىك-جەكە مەنشىك ارىپتەستىك (مجس) باعدارلاماسىنا قاتىسۋعا شەشىم قابىلداپ وتىر. مەملەكەتتىك تاپسىرىسقا سايكەس, قر ءبىلىم جانە عىلىم مينيسترلىگى تۇرعىنداردى جاتاقحانامەن قامتاماسىز ەتەدى جانە جىل سايىن ءار توسەك-ورىن ءۇشىن 122 ايلىق ەسەپتىك كورسەتكىش تولەنەدى, ونىڭ ىشىندە عيماراتتى قايتا جاڭعىرتۋعا 47 ايلىق ەسەپتىك كورسەتكىش تولەنەتىن بولادى. تولەم كەزەڭى 8 جىلدى قۇرايدى. اتالعان جوبانى جۇزەگە اسىرۋ ءۇشىن 152 ملرد تەڭگە ءبولىندى. باعدارلاماعا قاتىسۋعا وتىنىمدەردى «اتامەكەن» ۇلتتىق كاسىپكەرلەر پالاتاسى قابىلدايدى.
«بۇل جوبا شىعىندى بولسا دا, مەن وعان قاتىساتىن بولامىن. ويتكەنى مەنىڭ جوبالارىم وتە كوپ, ال بۇل الەۋمەتتىك جوبا. مەن ءوزىم جاقىندا عانا جوو ءبىتىردىم, سوندىقتاندا ستۋدەنتتتەردىڭ جاعدايىن جاقسى تۇسىنەمىن. وسى ورايدا مەن ءۇشىن پاتريوتيزم پايدادان الدەقايدا ماڭىزدى», - دەپ ايان كوشەرباەۆ ويلايدى.
ەستەرىڭىزگە سالا كەتسەك, 2018 جىلدىڭ 5 ناۋرىزىندا «قر پرەزيدەنتى ن.نازارباەۆتىڭ بەس الەۋمەتتىك باستاماسى» اياسىندا ستۋدەنت جاستاردىڭ ءومىر ءسۇرۋ جاعدايىن جاقسارتۋ بويىنشا مىندەتتەر قويعان بولاتىن. مجس باعدارلاماسى اسىندا 2022 جىلعا دەيىن ستۋدەنتتىك جاتاقحانالارعا 75 مىڭ جاڭا ورىن ەنگىزۋ جوسپارلانۋدا. بۇگىنگى تاڭدا جاتاقحانالارعا 91 000 قازاقستاندىق ستۋدەنت مۇقتاج, ونىڭ 30 000-ى الماتىدا تۇراتىندار.