الماتى قالاسىندا قازاقستاننىڭ باستاماسى بويىنشا حالىقارالىق ەپيزووتيالىق بيۋرونىڭ سۋبوڭىرلىك كەڭسەسىنىڭ قولداۋىمەن ءۇش كۇندىك وڭىرلىك سەمينار ءوز جۇمىسىن باستادى.
بۇل سەمينار ۇساق كۇيىس قايىراتىن وباعا (چمج) جانە اۋسىلعا قاتىستى رەسمي ۇلتتىق باقىلاۋ باعدارلامالارىنىڭ مارتەبەسىن رەسمي تانۋ جانە ماقۇلداۋ, سونداي-اق اۋسىل بويىنشا يگىلىكتىڭ رەسمي مارتەبەسىن قولداۋ ءۇشىن حەب راسىمدەرىنە ارنالعان.
سەمينار جۇمىسىنا كەلەسى ەلدەردىڭ ۆەتەرينارلىق قىزمەتتەرىنىڭ وكىلدەرى: البانيا, ارمەنيا, ءازىربايجان, بەلارۋس, بولگاريا, گرۋزيا, ماكەدونيا, يزرايل, قازاقستان, قىرعىزستان, مولدوۆا, چەرنوگوريا, رەسەي, سەربيا, تاجىكستان, تۇركيا, تۇركمەنستان, ۋكراينا جانە وزبەكستان. بايانداماشىلار حەب ايماقتىق جانە سۋبوڭىرلىك وكىلدىكتەرىنىڭ وكىلدەرى قاتىستى.
وسى ءىس-شارا شەڭبەرىندە سەمينارعا قاتىسۋشىلار ايماقتاعى اۋسىل جانە شج بويىنشا اعىمداعى جاعدايدى, اۋرۋدى رەسمي تانۋ ءۇشىن جانە باقىلاۋدىڭ رەسمي باعدارلامالارىن ماقۇلداۋ ءۇشىن ءىس-قيمىلداردىڭ ستاندارتتى ءتارتىبىن, اۋسىل بويىنشا جەردەگى جانۋارلاردىڭ دەنساۋلىق كودەكسىنىڭ جالپى تالاپتارىن, شججج جانە رەسمي مارتەبەسىن باقىلاۋ ءۇشىن ەلدەرگە حەب رەفەرەنتتىك زەرتحانالارى تاراپىنان قولداۋ كورسەتۋدى, حەب-تىڭ اۋسىلمەن كۇرەس جونىندەگى رەفەرەنتتىك زەرتحانالار جەلىسى تاراپىنان قولداۋ كورسەتۋدى قاراستىرادى.
سونداي-اق, سەمينار اياسىندا شجم-دان ەركىندىك مارتەبەسىن رەسمي تانۋ ءۇشىن قۇجاتتار جيناعىن, اۋسىلدى باقىلاۋدىڭ رەسمي باعدارلاماسىن دايىنداۋ بويىنشا تاجىريبەلىك جۇمىس, قۇجاتتار مەن سۇراقنامالاردى تولتىرۋ بويىنشا مىسالدار جۇرگىزىلەتىن بولادى.
اتالعان سەمينار حەب مۇشە ەل رەتىندە قازاقستان رەسپۋبليكاسى ءۇشىن ەپيزووتيالىق جاعدايدى باقىلاۋ مەن ەپيزووتيالىق سالاۋاتتىلىقتىڭ كورسەتكىشى بولىپ تابىلادى.