كونفەرەنتسيا جۇمىسىنا «Nur Otan» پارتياسى وبلىستىق فيليالى ساياسي كەڭەسىنىڭ مۇشەلەرى, پارتيا ارداگەرلەرى, بارلىق دەڭگەيدەگى ماسليحاتتارداعى دەپۋتاتتىق فراكتسيالاردىڭ مۇشەلەرى, جەرگىلىكتى اتقارۋشى ورگانداردىڭ باسشىلارى, باستاۋىش پارتيا ۇيىمدارىنىڭ توراعالارى مەن بۇقارالىق اقپارات قۇرالدارىنىڭ وكىلدەرى, «جاس وتان» جاستار قاناتىنىڭ مۇشەلەرى قاتىستى.
ەلباسى, «نۇر وتان» پارتياسىنىڭ توراعاسى نۇرسۇلتان نازارباەۆ اعىمداعى جىلدىڭ اقپان ايىندا وتكەن سەزدە ينجەنەرلىك-الەۋمەتتىك ينفراقۇرىلىمدى, پەرسپەكتيۆالىق اۋىلداردى دامىتۋعا باعىتتالعان «اۋىل – ەل بەسىگى», «قۇتتى مەكەن», «حالىققا كومەك» جانە «باقىتتى وتباسى» جوبالارىن جاريالاپ, جاڭا مىندەتتەردى اتاپ كورسەتكەن بولاتىن. بۇل رەتتە «Nur Otan» پارتياسى ماڭعىستاۋ وبلىستىق فيليالى توراعاسىنىڭ ورىنباسارى ز.ەسبەرگەنوۆا بايانداما جاسادى.
ونىڭ ايتۋىنشا, اتالمىش پارتيالىق 4 جوبا تۋرالى 11-13 ءساۋىر ارالىعىندا 158 باستاۋىش پارتيا ۇيىمدارىنىڭ جينالىستارى مەن 7 اۋماقتىق فيليالداردىڭ كونفەرەنتسيالارىندا كەڭىنەن تۇسىندىرىلگەن.«حالىققا كومەك» جوباسى بويىنشا كوپ بالالى جانە الەۋمەتتىك قيىن جاعدايداعى وتباسىلارعا وبلىستىق, قالالىق, ءماسليحات دەپۋتاتتارى, «بەرەكەت-ف» جشس – 40 وتباسىنا, «ءبىز ادامدار-ءبىز بىرگەمىز» قايىرىمدىلىق قورى – 50 وتباسىن ازىق-ت ۇلىكپەن قامتاماسىز ەتتى. سونداي-اق, «بەرەكەت-ف» جشس 180 وتباسىنا 20 پايىز جەڭىلدىكپەن «اق نەك» ونىمدەرىن الۋعا سەرتيفيكات بەردى.
ەكىنشى «باقىتتى وتباسى» جوباسى اياسىندا «Nur Otan» پارتياسى ماڭعىستاۋ وبلىستىق فيليالى جانىنان قۇرىلعان بالالاردىڭ قۇقىعىن قورعاۋ جونىندەگى جۇمىس توبىن جاساقتالىپ, جۇمىس جوسپار بەكىتىلسە, «اۋىل – ەل بەسىگى» جوباسى اياسىنداعى «مەكتەپ سپورتزالىن جاڭعىرتۋ» جوباسى بويىنشا وڭىردە 5 مەكتەپتىڭ سپورت زالى جاڭارتىلادى. اقتاۋداعى – 3 مەكتەپ, مۇنايلى اۋدانى بويىنشا – 2 مەكتەپتەگى سپورت زالدار جاڭعىرتىلادى. ەكىنشى – اۋىلدى كادرمەن قامتاماسىز ەتۋ. قولداۋ شارالارىن جاقسارتۋ ەسەبىنەن «ديپلوممەن اۋىلعا» جوباسىنىڭ اياسىندا 500 مامانداردى تارتۋ جوسپارلانعان.
ءۇشىنشى – اۋىلدا جاستار كاسىپكەرلىگىن دامىتۋ. اعىمداعى جىلى 2000 جاس مامان 500 شارۋا قوجالىعىنا تاعىلىمدامادان ءوتۋ ءۇشىن جىبەرىلەدى. تاعىلىمداما قورىتىندىسى بويىنشا كەم دەگەندە 500 جاستى ءىرى شارۋا قوجالىقتارىنا جۇمىسقا ورنالاستىرۋ, اگرو-وندىرىستىك كەشەن سالاسىندا كەمىندە 200 جاستار جوباسىن ىسكە قوسۋ جوسپارلانعان. ال, «قۇتتى مەكەن» جوباسى بويىنشا ينجەنەرلىك جانە الەۋمەتتىك ينفراقۇرىلىمنىڭ دامۋ بارىسىنا پارتيالىق باقىلاۋدى جۇرگىزۋ ماقساتىندا ماقساتتا ءۇش دەڭگەيلى باقىلاۋ جۇيەسى قۇرىلدى. ياعني, اۋداندار مەن قالالار دەڭگەيىندە مونيتورينگىلەۋ توپتارى جۇمىس ىستەمەك. ولار تىكەلەي وبەكتىنىڭ وزىندە باقىلاۋدى قامتاماسىز ەتەدى.
-وسىلايشا, جەرگىلىكتى جەردەگى, اۋىلدارداعى, اۋداندارداعى جانە قالالارداعى ءبىزدىڭ پارتيالاستارىمىز تۇرعىنداردىڭ ازاماتتىق بەلسەندىلىگىن ىنتالاندىرۋ, ازاماتتاردى الەۋمەتتىك ماڭىزدى ىسكە تارتۋ ءۇشىن مۇمكىندىك الادى. لاۋازىمدى تۇلعالاردىڭ اراسىندا سىبايلاس جەمقورلىققا, ۇرلىققا, نەمقۇرايلىلىققا قارسى ءىس-قيمىلدىڭ ءتيىمدى جاعدايلارى جاسالادى. بۇل دەگەنىمىز – بيۋدجەت قاراجاتى ماقساتتى جۇمسالماق. حالىق بەلگىلەنگەن مەرزىمدە ساپالى جولعا, تۇرعىن ۇيگە, كوممۋنيكاتسياعا, وزگە دە الەۋمەتتىك جانە ينجەنەرلىك ينفراقۇرىلىمعا قول جەتكىزەدى, دەدى ءوز بايانداماسىندا زۆيرا ەسبەرگەنوۆا.ال الەۋمەتتىك از قامتىلعان وتباسىلاردىڭ تابىسى مەن ءال-اۋقاتىن كوتەرۋگە باعىتتالعان پارتيالىق جوبالار تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى باتىربەك يبراشوۆ باياندادى.
سونداي-اق, ءسوز سويلەگەندەر قاتارىندا ارداگەر - ۇستاز, پارتيا ارداگەرى, ۇستازدار ديناستياسىنىڭ مۇشەسى ءلايلا جالعاسباەۆا, «وزەنمۇنايگاز» كومپانياسىنىڭ ينجەنەرى جۇلدىز مۇحامبەتقاليقىزى, «ۆايناح» شەشەن-ينگۋش ەتنو-مادەني بىرلەستىگىنىڭ توراعاسى كۋدۋز باماتگەرەەۆ, اۋىلشارۋاشىلىعى سالاسىنىڭ ارداگەرى, تۇپقاراعان اۋدانىنىڭ قوعامدىق كەڭەس مۇشەسى, پارتيا ارداگەرى نۇرىم بولەكباەۆ بولدى.شارادا «Nur Otan» پارتياسىنىڭ كەزەكتەن تىس XIح سەزىنە ماڭعىستاۋ وبلىستىق فيليالىنان 19 دەلەگات سايلاندى.