جوسپارعا سايكەس, بيىل ساتىپ الىناتىن ون ءبىر جاڭا امەريكاندىق ساموسۆالدىڭ ەكەۋى «باتىس» جانە «ورتالىق» رازرەزدەرىنىڭ تەحنولوگيالىق جولدارىنا شىقتى.
- بۇل ماشينالار ساپاسى جوعارى ءارى سەنىمدىلىگىمەن ەرەكشەلەنەدى. ەۋرازيالىق توپتىڭ باسقا كاسىپورىندارىندا پايدالانعان جىلدار ارالىعىندا CAT 777E قازاقستاننىڭ ايرىقشا اۋا رايىندا جانە جالپى ءوزىن تەك قانا جاقسى جاعىنان كورسەتتى, - دەدى «شۇباركول كومىر» اق تاۋ-كەن ءوندىرىسى باسقارماسىنىڭ باستىعى بولات جاكەنوۆ.
Caterpillar 777E ساموسۆالدارى ارنايى كولىكتىڭ تەحنيكالىق كۇيىن باقىلاۋعا مۇمكىندىك بەرەتىن, ماشينانىڭ جۇمىسى مەن ونىمدىلىگىنىڭ بارلىق پارامەترلەرىن كورسەتەتىن كومپيۋتەرلەندىرىلگەن بورتتىق جۇيەمەن جابدىقتالعان. ماشينالار جاقىندا ساتىپ الىنعان HITACHI EX-1900 ەكسكاۆاتورلارىمەن بىرگە كومىر مەن تاۋ-كەن ماسساسىن تاسىمالداۋعا جۇمىلدىرىلادى. بۇل ءوندىرۋ قابىلەتىنە قاراي ساي تەحنيكالاردىڭ ارا قاتىسىندا ماكسيمالدى سايكەستىكتى قامتاماسىز ەتەدى.
2019 جىلى ساتىپ الىناتىن ون ءبىر ساموسۆالدىڭ التاۋى توزعان تەحنيكانىڭ ورنىنا كەلەدى. قالعاندارى اۆتوپارك سانىن كوبەيتىپ, شۇباركولدىك كەنشىلەرگە 2019 جىلدا قويىلعان وندىرىستىك ماقساتتارعا جەتۋگە سەپتەسپەك.
2019 جىلدىڭ ينۆەستيتسيالىق باعدارلاماسى اياسىندا جاڭارتىلعان تەحنيكالىق ساياساتتى ىسكە اسىرۋ ءۇشىن 11 دانا CAT 777E ساموسۆالدارىن ساتىپ الۋ كوزدەلگەن. بۇل ماقساتتارعا جالپى سوماسى شامامەن 4,5 ميلليارد تەڭگە ينۆەستيتسيا قۇيىلماق.