شاعىن بيزنەس سۋبەكتىلەرىن تسيفرلاندىرۋدى فيسكالدىق قولداۋ ماقساتىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس-ورتانى دامىتۋ جانە ساۋدا قىزمەتىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2019 جىلعى 2 ساۋىردەگى № 241-ءVى قازاقستان رەسپۋبليكاسىنىڭ زاڭىمەن پاتەنت نەمەسە وڭايلاتىلعان دەكلاراتسيا نەگىزىندە ارناۋلى سالىق رەجيمىندەرىن قولداناتىن دارا كاسىپكەرلەر ءۇشىن كوزدەلگەن كەلەسى تۇزەتۋلەر سالىق كودەكسىنە ەنگىزىلدى:
1) سالىقتىق كەزەڭدە ەسەپتەلگەن جەكە تابىس سالىعىنىڭ سوماسى دەرەكتەردى تىركەۋ جانە بەرۋ فۋنكتسياسى بار ءبىر باقىلاۋ-كاسسا ماشيناسىن (ونلاين بكم) ساتىپ الۋعا 60 000 تەڭگە سوماسىنا, بىراق ەسەپتەلگەن سالىق سوماسىنىڭ 50 پايىزىنان اسىرماي ازايتىلادى.
اتالعان نورما تەك ءبىر جىل عانا جۇزەگە اسىرىلادى (2019 جىل), سەبەبى ونلاين بكم-ىن جاپپاي ورناتۋ 2020 جىلدىڭ 1 قاڭتارىنا دەيىن اياقتالۋى ءتيىس;
2) جەكە تابىس سالىعىنىڭ ءسوماسى ۇش قۇرامداستى ينتەگراتسيالانعان جۇيەنى (ونلاين بكم, POS-تەرمينال, ERP جۇيەسى) ساتىپ الۋعا 60 000 تەڭگە سوماسىنا, بىراق ەسەپتەلگەن سالىق سوماسىنىڭ 50 پايىزىنان اسىرماي ازايتۋ.
اتالعان جەڭىلدىك 3 جىل ىشىندە جۇزەگە اسىرىلادى (2019 جىلدىڭ 1 قاڭتارىنان 2022 جىلعى 1 قاڭتارىنا دەيىنگى مەرزىمدە).
انىقتاما ءۇشىن: ءۇش قۇرامداستى ينتەگراتسيالانعان جۇيە – دەرەكتەردى تىركەۋ جانە بەرۋ فۋنكتسياسى بار باقىلاۋ-كاسسا ماشيناسىنان, قولما-قول اقشاسىز تولەمدەردى قابىلداۋعا ارنالعان جۇيەدەن (قۇرىلعىدان), سونداي-اق ساۋدانى باسقارۋدى, قىزمەتتەر كورسەتۋدى, جۇمىستار ورىنداۋدى جانە تاۋارلاردىڭ ەسەپكە الىنۋىن اۆتوماتتاندىرۋ جۇيەسىمەن جاراقتاندىرىلعان جابدىقتان (قۇرىلعىدان) نەمەسە ينتەگراتسيالانعان جۇيەنىڭ بارلىق ءۇش قۇرامداسىن الماستىراتىن باعدارلامالىق-اپپاراتتىق كەشەننەن تۇراتىن ينتەگراتسيالانعان جۇيە.
بۇل رەتتە, ءۇش قۇرامداستى ينتەگراتسيالانعان جۇيەگە جانە ونى ەسەپكە الۋعا قويىلاتىن تالاپتاردى, ونى ورناتۋ جانە قولدانۋ ءتارتىبىن ۋاكىلەتتى ورگان مەملەكەتتىك جوسپارلاۋ سالاسىنداعى ورتالىق مەملەكەتتىك ورگانمەن, بايلانىس سالاسىندا مەملەكەتتىك ساياساتتى ىسكە اسىرۋدى جۇزەگە اسىراتىن ۋاكىلەتتى مەملەكەتتىك ورگانمەن جانە قازاقستان رەسپۋبليكاسىنىڭ ۇلتتىق بانكىمەن كەلىسۋ بويىنشا بەلگىلەيدى.
وسىدان باسقا, اتالعان زاڭمەن قولما – قولسىز تولەمدەردى ىنتالاندىرۋ ماقساتىندا, وڭايلاتىلعان دەكلاراتسيا نەگiزiندەگi ارناۋلى سالىق رەجيمiن قولداناتىن دارا كاسىپكەرلەر ءۇشىن ءۇش قۇرامداستى ينتەگراتسيالانعان جۇيەنى مىندەتتى تۇردە قولدانۋمەن وتكىزىلگەن قولما – قولسىز اينالىمدى 114 184 اەك مولشەرىندەگى ققس بويىنشا شەككە, 70 048 اەك مولشەرىندەگى وڭايلاتىلعان دەكلاراتسيا نەگiزiندەگi ارناۋلى سالىق رەجيمiن قولدانۋ ءۇشىن جارتى جىلدىق تابىسقا قوسىلماۋى قاراستىرىلعان.