بۇل تۋرالى مينيسترلىكتىڭ ءباسپاسوز قىزمەتى حابارلادى.
اۋىل شارۋاشىلىعى ءمينيسترى ساپارحان وماروۆ اۋعانستان يسلام رەسپۋبليكاسىنىڭ توتەنشە جانە وكىلەتتى ەلشىسى موحد فارحاد ازيميمەن كەزدەستى.
قازاقستان رەسپۋبليكاسىنىڭ اۋىل شارۋاشىلىعى مينيسترلىگىندە وتكەن كەزدەسۋدە تاراپتار اۋىل شارۋاشىلىعى سالاسىنداعى ەلدەر اراسىنداعى ىنتىماقتاستىقتىڭ ماڭىزدىلىعىن اتاپ ءوتتى.
اۋعانستان تاراپى الداعى 4 جىلدا اير-نى ازىق-ت ۇلىكپەن قامتاماسىز ەتۋ ءۇشىن قازاقستاننان بيداي مەن ۇندى مەملەكەتتىك ساتىپ الۋعا قىزىعۋشىلىق تانىتتى.ايتا كەتۋ كەرەك, اۋعان نارىعى - قازاقستاندىق بيداي مەن ۇننىڭ ءداستۇرلى وتكىزۋ نارىعى. قازاقستاننان اۋعانستانعا بيداي مەن ۇن ەكسپورتى, 2018/2019 ماركەتينگ جىلدارى (1 شىلدەدەن 30 ماۋسىمعا دەيىن) ءۇشىن 320 مىڭ توننانى جانە 1 028 مىڭ توننانى قۇرادى.
قازاقستاندىق اۋىل شارۋاشىلىعى ونىمدەرىنىڭ نەگىزگى تۇتىنۋشىلارى - سولتۇستىك اۋعان وڭىرلەرى, سونداي-اق استانالىق ايماق جانە كابۋل قالاسى.
سونداي-اق اۋعانستاننان قازاقستانعا وسىمدىك ونىمدەرىن جەتكىزۋ ماسەلەلەرى, ينۆەستيتسيالىق ىنتىماقتاستىق ماسەلەلەرى تالقىلاندى.