كەشە سۇلتانماحمۇت تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە «جۋرناليستيكا» ماماندىعى بويىنشا جوعارى وقۋ ورىندارى ستۋدەنتتەرىنىڭ XI رەسپۋبليكالىق پاندىك وليمپياداسى باستالعان-دى.
ەكى كۇنگە سوزىلعان ءبىلىم دوداسىنا ەلىمىز ايماقتارىنان كەلگەن 17 كوماندا قاتىسىپ, باق سىناستى. پاندىك وليمپيادانىڭ باستى تاقىرىبى - « ۇلى دالا ۇلاعاتى». جارىستىڭ العاشقى كۇنىندە قاتىسۋشى ستۋدەنتتەر تانىستىرۋ جانە ەسسە جازۋ بويىنشا بىلىكتىلىكتەرىن ورتاعا سالدى. سايىس شارتى بويىنشا قازىلار القاسى ءادىل تورەلىگىن ايتىپ, جازىلعان جۇمىستار نەگىزىندە ءوز پىكىرلەرىن ءبىلدىردى. سايىس قورىتىندىسى بۇگىن بەلگىلى بولادى.
وليمپياداعا قاتىسۋشىلار ۇيىمداستىرۋشىلاردىڭ ۇسىنىسىنا وراي پاۆلودار قالاسىنىڭ كورىكتى جەرلەرىن ارالاپ, ءماشhۇر ءجۇسىپ كوپەي ۇلىنىڭ مەشىتى, رامىزدەر ساياباعى, بۇقار جىراۋ اتىنداعى ادەبيەت جانە ونەر مۋزەيىندە بولدى. قالانىڭ كورىكتى جەرلەرىن ارالاپ, تاريحىمەن تانىسقان ستۋدەنتتەردىڭ ساپاردان العان اسەرلەرى ەرەكشە.