فورۋمعا حالىقارالىق وليمپيادا كوميتەتىنىڭ بارلىق 206 مۇشەسى قاتىسىپ جاتىر.
جيىن بارىسىندا حوك كوميسسياسىنىڭ 2017 جىلى قاراشادا ۇسىنعان دامۋ ستراتەگياسى ءسوز بولماق. ناقتىلاپ ايتار بولساق, الەمدەگى ءاربىر سپورتشىنىڭ قۇقىعى مەن مىندەتتەرى جانە مۇمكىندىكتەرى تۋرالى ماسەلە قوزعالادى.
فورۋمدا قاتىسۋشىلار كەڭ كولەمدى ەكى وتىرىس وتكىزىپ, ورتاق ماسەلەلەردى ءوزارا تالقىلايدى جانە حوك پرەزيدەنتى توماس باحقا تىكەلەي سۇراقتارىن قويا الادى.
قاتىسۋشىلار اراسىندا قازاقستان ۇوك وكىلى, حالىقارالىق قاتىناستار دەپارتامەنتىنىڭ ديرەكتورى ءالىمجان اقاەۆ تا بار.
«بۇل سپورتشىلار مەن جاستارعا جانە دوپينگپەن كۇرەسۋ ماسەلەلەرىنە ارنالعان وتە ماڭىزدى ءارى قاجەتتى فورۋم. جيىندا قوزعالعان سۇراقتاردى ءبىز ەلىمىزدەگى ارىپتەستەرىمىزبەن, ياعني, ۇلتتىق فەدەراتسيا وكىلدەرىمەن تالقىلايتىن بولامىز. بۇل سپورتشىلار كوميسسياسىنىڭ ءرولى مەن دوپينگكە قارسى ساياسات, وليمپيادالىق ىنتىماقتاستىق جانە سپورتشىلارعا ارنالعان حالىقارالىق باعدارلامالار», - دەيدى ۇوك حالىقارالىق قاتىناستار دەپارتامەنتىنىڭ ديرەكتورى ءالىمجان اقاەۆ.