نەگىزى, بۇل ماسەلە جىل سايىن كوتەرىلىپ تۇرادى. بىراق بۇرىننان بەرى كەلە جاتقان جاقسى ءبىر ءداستۇر بار. ول - تۇلەكتەردىڭ كەشىن مەكتەپتە وتكىزۋ. وندايدا مۇعالىم مەن وقۋشى اراسىندا ساليقالى اڭگىمەلەر ايتىلادى, تۇلەكتەردىڭ ءوزارا قارىم-قاتىناسى دا باسقاشا جۇرەدى. وكىنىشكە قاراي, سوڭعى كەزدەرى كىم جانە قايدا وتكىزەدى, كادىمگىدەي باسەكە بولىپ كەتتى. مەنىڭشە, تۇلەكتەردىڭ كەشى بۇرىنعىداي ءوتۋى كەرەك. ءبىزدىڭ اتا-انالارىمىز سولاي وتكىزدى. ءبىز دە مەكتەپتە وتكىزدىك. سوندا ناعىز مەكتەپپەن قوشتاسۋ كەشى بولادى, دەدى ك.ءشامشيدينوۆا ۇكىمەت ۇيىندە وتكەن ءباسپاسوز ءماسليxاتىندا.
ء مينيستردىڭ ايتۋىنشا, كەز كەلگەن شارادا مەكتەپ تە, اتا-انالار دا بالالاردىڭ قاۋىپسىزدىگىنە باسا نازار اۋدارۋى قاجەت.
سول سەبەپتى ءبىز ونداي كەشتەر تەك مەكتەپتىڭ تەرريتورياسىندا عانا ءوتۋى كەرەك دەپ سانايمىن. ارتىق اقشا شاشۋدىڭ دا قاجەتى جوق. استا-توك وتىرىس جاساماۋ كەرەك. قىمبات كويلەك الۋدىڭ دا قاجەتى شامالى. تۇلەكتەر كەشى ول ءۇشىن جاسالمايدى. ءوزارا باسەكە ءۇشىن جاسالمايدى. مەكتەپپەن قوشتاسۋ كەشى جانعا جايلى كەزدەسۋ بولىپ ءوتۋى كەرەك. بالالار, اتا-انالار مەن مۇعالىمدەردىڭ ساليقالى ءبىر وتىرىسى بولۋى قاجەت, دەپ اتاپ كورسەتتى ك.ءشامشيدينوۆا.