ەلوردادا ەكولوگيالىق سەنبىلىك ءوتتى

سارىارقا اۋدانىنداعى سەنبىلىك بارىسىندا كەنەسارى كوشەسىندە 38 اعاش (الما جانە شيە) «كەسەك ءادىسى» بويىنشا وتىرعىزىلدى. شاراعا «ساداقا جاريا» باستاماشىل توبى قاتىستى. Nur Otan پارتياسى جاستار قاناتىنىڭ بەلسەندىلەرى ءاليا مولداعۇلوۆا ەسكەرتكىشى مەن كوشەسىنە تازالىق جۇمىستارىن جۇرگىزدى. 

جالپى, سارىارقا اۋدانىندا سەنبىلىككە 6 676 ادام قاتىسىپ, 35,2 توننا قوقىس شىعارىلدى. 

الماتى اۋدانىندا سەنبىلىككە 13 مىڭنان استام ادام قاتىسىپ, اۋدان اۋماعىنان 101,36 توننا قوقىس شىعارىلدى. 

سونىمەن قاتار, ابىلايحان داڭعىلىنداعى جەلەكجولدا الماتى اۋدانى اكىمى اپپاراتىنىڭ قىزمەتكەرلەرى سەنبىلىك وتكىزدى. سەنبىلىكتە 4,5 توننادان استام قوقىس شىعارىلدى. 

ال ەسىل اۋدانىنداعى كوشە تازالىعى شاراسىنا 8 690 ادام قاتىستى. 450 توننا قوقىس شىعارىلىپ, كومىلدى. 

بايقوڭىر اۋدانىندا 13 ساۋىردەگى سەنبىلىككە 10 815 ادام اتسالىسىپ, اۋدان اۋماعىنان بارلىعى 57,86 توننا قوقىس شىعارىلدى.