ءبىلىم بەرۋ ۇيىمدارى قىزمەتكەرلەرى جالاقىسىن 10-نان 30%-عا دەيىن سارالانعان تۇردە ۇلعايتۋ جوسپارلانۋدا. كوەففيتسيەنتتەر كەستەسى ءبىلىم بەرۋ دەڭگەيىنە, بىلىكتىلىككە, جۇمىس جاعدايىنا قاراي:
نەگىزگى بۋىنداعى قىزمەتكەرلەرگە: كوللەدج وقىتۋشىلارى, مۇعالىمدەر, پسيحولوگتار, الەۋمەتتىك پەداگوگتار, بالاباقشا تاربيەشىلەرى, قوسىمشا ءبىلىم بەرۋ سالاسىنىڭ پەداگوگتارى;
كومەكشى قىزمەتكەرلەر: بالاباقشالارداعى بالا باعۋشىلار, مەكەمەلەردى تازالايتىن قىزمەتكەرلەرگە, اۋلا تازالاۋشىلارعا, كۇزەتشىلەرگە;
باسقارۋشى: كوللەدج, مەكتەپتەر باسشىلارى, بالاباقشا مەڭگەرۋشىلەرىنە قاتىستى بولادى.
«بيۋدجەت سالاسىنىڭ از جالاقى الاتىن قىزمەتكەرلەرىنىڭ ەڭبەكاقىسىن ارتتىرۋعا باعىتتالعان بولىنگەن قاراجاتتىڭ 75% ءبىلىم سالاسىنا جۇمسالادى», — دەدى ءبىلىم جانە عىلىم ءمينيسترى ك. ءشامشيدينوۆا.
سونداي-اق, ءبىلىم جانە عىلىم ءمينيسترى 2018 جىلدان باستاپ 208 مىڭ مۇعالىم (70%) ءبىلىم بەرۋدىڭ جاڭارتىلعان مازمۇنى بويىنشا 30%-دىق قوسىمشا اقى, بىلىكتىلىك سىناقتارىن ءساتتى تاپسىرعان 60 مىڭ مۇعالىم — 30-50% ۇستەمە اقى الاتىنىن اتاپ ءوتتى.
«تەستىلەۋگە پەداگوگتار جىلىنا ەكى رەت – مامىر جانە قاراشا ايلارىندا قاتىسادى. ءۇش جىل ىشىندە بىلىكتىلىك ارتتىرۋ كۋرستارىنان ورتا ءبىلىم بەرۋدىڭ جاڭارتىلعان مازمۇنى بويىنشا 144 مىڭ مۇعالىم, 82 مىڭ پسيحولوگ جانە سىنىپ جەتەكشىلەرى, 15 مىڭ كوللەدجدىڭ ينجەنەرلىك-پەداگوگيكالىق قىزمەتكەرى, 2,4 مىڭ جوو وقىتۋشىلارى وتەدى», — دەپ اقپاراتتاندىردى ك. ءشامشيدينوۆا.
ونىڭ ايتۋىنشا, مەكتەپتەگى وقۋ باعدارلامالارىنا ينتەگراتسيالاۋ, اT-داعدىلاردى دامىتۋ, جوبالىق جانە زەرتتەۋ جۇمىستارىن جۇرگىزۋ, ءبىلىم بەرۋدى ينتەگراتسيالاۋ جانە ولاردى تاجىريبە جۇزىندە قولدانۋ, وقۋ جوسپارىن تولىقتىراتىن جانە بالالاردى دامىتۋعا باعىتتالعان سىنىپتان تىس ءىس-شارالار جالعاسادى.
تجكبب جانە جوعارى ءبىلىم جۇيەسىندە ءبىلىم بەرۋ باعدارلامالارىن جاڭارتۋ ەڭبەك نارىعىنىڭ تالاپتارىن, كاسىپتىك ستاندارتتاردى, WorldSkills ستاندارتتارىن, جەتەكشى شەتەل ۋنيۆەرسيتەتتەرىمەن ءبىلىم بەرۋ باعدارلامالارىن ۇيلەستىرۋدى, كاسىپكەرلىك نەگىزدەرىن, جوبالىق ءبىلىم بەرۋدى ەسكەرە وتىرىپ جالعاسادى.
ستۋدەنتتەردى ۆولونتەرلىك قىزمەتكە تارتۋ تۋرالى ەلباسىنىڭ تاپسىرمالارىن ورىنداۋ ءۇشىن ۆولونتەرلىك ۆاۋچەر جۇيەسىن ەنگىزۋ باستالادى: 25 ساعاتقا — 25 مىڭ تەڭگە جانە ەكى كرەديتتى قايتا تاپسىرىپ, 50 ساعاتقا — 50 مىڭ تەڭگە الىپ, 5 كرەديتتى قايتا تاپسىرادى. وسىلايشا, بەلسەندى ستۋدەنتتەر تەك ءوز باستامالارىن كورسەتىپ قانا قويماي, سونىمەن قاتار وزدەرىنىڭ كىرىستەرىن كوبەيتىپ, ەرەكشە قاجەتتىلىكتەرى بار بالالارمەن جۇمىس جاسايدى, كامەلەت جاسقا تولماعان دەۆيانتتىق مىنەز-قۇلقى بار بالالارمەن, ەگدە جاستاعى بالالارمەن الەۋمەتتىك جۇمىس جۇرگىزىپ, رەپەتيتورلىقپەن اينالىسادى.