پرەزيدەنتتىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارى بەكىتىلدى

2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىن بەكىتۋ تۋرالى

قازاقستان رەسپۋبليكاسى كونستيتۋتسياسىنىڭ 41-بابىنىڭ 3-1-تارماعىنا, «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىنىڭ 12-بابىنىڭ 1) تارماقشاسىنا, 51-1, 66-1-باپتارىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى:

1. 2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ قوسا بەرىلىپ وتىرعان كۇنتىزبەلىك جوسپارى (بۇدان ءارى – كۇنتىزبەلىك جوسپار) بەكىتىلسىن.

2. كۇنتىزبەلىك جوسپار سايلاۋدى ۇيىمداستىرۋ مەن وتكىزۋدى قامتاماسىز ەتۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە قازاقستان رەسپۋبليكاسى استاناسىنىڭ سايلاۋ كوميسسيالارىنا جىبەرىلسىن.

3. وسى قاۋلى بۇقارالىق اقپارات قۇرالدارىندا جاريالانسىن.

قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى                                                                                   ب. يماشەۆ

قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى                                                                                   س. مۇستافينا

نۇر-سۇلتان قالاسى, 2019 جىلعى 10 ءساۋىر № 10/232