كونتەينەر اعىنىنىڭ ايتارلىقتاي ءوسىمى ترانسقۇرلىقتىق ترانزيتتىك تاسىمال نارىعىنداعى ۇستانىمدى جەڭىپ الۋعا باعىتتالعان, ستراتەگيانى دەر كەزىندە تاڭداۋعا ىقپال ەتتى. 2019 جىلدىڭ باسىندا جانە 2018 جىلدىڭ سوڭىنداعى «قتج» ۇك» اق ماقساتتى جۇرگىزىلگەن جۇمىستار قىتاي – ەۋروپا – قىتاي, قىتاي – ورتالىق ازيا – قىتاي, قىتاي – رەسەي فەدەراتسياسى – قىتاي باعدارلارىنا جانە وزگە دە باعىتتارعا كونتەينەرلىك تاسىمالدى ارتتىرۋ تەندەنتسياسىن ساقتاۋعا مۇمكىندىك بەردى.
ترانزيتتىك تاسىمالدىڭ وسىمىنە نەگىزگى كولىكتىك دالىزدەردەگى جىلدامدىق سەرۆيسى, باسەكەگە قابىلەتتى تاريفتىك جاعدايلار جاساۋ جونىندەگى ستراتەگيالىق اليانس شەڭبەرىندە تەمىرجول اكىمشىلىكتەرى مەن كولىكتىك كومپانيالارىنىڭ بەلسەندى جۇمىسى, كليەنتكە مويىنبۇرۋ جانە ساپالى لوگيستيكالىق سەرۆيس ىقپال ەتتى.
وسىلايشا, اعىمداعى جىلدىڭ ءبىرىنشى توقسانىندا حالىقارالىق ترانسكاسپيلىك كولىكتىك باعدار بويىنشا كونتەينەرلىك تاسىمال ءۇش ەسەگە ارتتى. وزبەكستان تەمىر جولدارىمەن ۇيلەسىمدى جۇمىستىڭ ارقاسىندا وزبەكستان مەن اۋعانستان باعىتىنا ترانزيتتىك كونتەينەرلىك تاسىمال 57% ءوستى.
بۇل رەتتە ماقساتتى پارامەترلەرى بالامالى باعدارلارداعى جوعارى باسەكەلەستىك جاعدايىمەن قامتاماسىز ەتىلەدى.
«قتج» ۇك» اق قازاقستاننىڭ تەمىر جولدارى بويىنشا ترانزيتتىك كونتەينەرلىك جۇك اعىنىنىڭ ارتۋىنىڭ قارقىنىڭ ەسەلەۋ جونىندەگى جۇمىستار جالعاسىن تاباتىن بولادى. كومپانيا كولىكتىك نارىقتاعى وزگە دە قاتىسۋشىلارمەن ءوزارا ءتيىمدى ىنتىماقتاستىق ءۇشىن اشىق.