«مەملەكەت باسشىسىمەن كەلىسىمى بويىنشا باس پروكۋرور عيزات نۇرداۋلەتوۆتىڭ اعىمداعى جىلعى 10 ساۋىردەگى بۇيرىعىمەن ەرنات سىبانقۇلوۆ باس كولىك پروكۋرورى بولىپ, حاليدۋللا داۋەشوۆ اتىراۋ وبلىسىنىڭ, نۇرلان بيجانوۆ قىزىلوردا وبلىسىنىڭ پروكۋرورلارى بولىپ تاعايىندالدى», دەلىنگەن حابارلامادا.
ەرنات سىبانقۇلوۆ 1973 جىلى تۋعان. پروكۋراتۋرا ورگاندارىنداعى قىزمەتىن 1995 جىلى الماتى قالاسى ماسكەۋ اۋدانى پروكۋرورىنىڭ كومەكشىسى بولىپ باستادى. بۇدان كەيىن الماتى قالاسى مەدەۋ اۋدانى پروكۋرورىنىڭ اعا كومەكشىسى, الماتى قالاسى تۇركسىب, مەدەۋ اۋداندارى پروكۋرورىنىڭ ورىنباسارى, الماتى وبلىسى ەڭبەكشىقازاق اۋدانىنىڭ, الماتى قالاسى المالى, مەدەۋ اۋداندارىنىڭ پروكۋرورى, جامبىل وبلىسى پروكۋرورىنىڭ ورىنباسارى, الماتى وبلىسى پروكۋرورىنىڭ ءبىرىنشى ورىنباسارى بولىپ ىستەدى.
2012-2017 جىلدارى جامبىل وبلىستىق پروكۋراتۋراسىن باسقاردى. 2017 جىلدىڭ تامىزىنان باستاپ اتىراۋ وبلىسىنىڭ پروكۋرورى. پروكۋراتۋرا ورگاندارىنداعى جۇمىس ءوتىلى 23 جىلدان استام. 3 سىنىپتى مەملەكەتتىك ادىلەت كەڭەسشىسى. II دارەجەلى «داڭق» وردەنىمەن ماراپاتتالعان.
حاليدۋللا داۋەشوۆ 1964 جىلى تۋعان. پروكۋراتۋرا ورگاندارىنداعى جۇمىسىن 1991 جىلى گۋرەۆ وبلىسى گۋرەۆ قالاسى پروكۋراتۋراسىنىڭ تاعىلىمداماشى بولىپ باستاعان. ءار جىلداردا اتىراۋ قالاسى پروكۋرورىنىڭ كومەكشىسى, اتىراۋ وبلىسى پروكۋراتۋراسىنىڭ ءبولىم پروكۋرورى, ءبولىمنىڭ اعا پروكۋرورى, ءبولىم باستىعى, باس پروكۋراتۋرا دەپارتامەنتىنىڭ اعا پروكۋرورى بولىپ جۇمىس ىستەدى.
2002-2016 جىلداردا باتىس قازاقستان وبلىسى ورال قالاسىنىڭ, اتىراۋ وبلىسى جىلىوي جانە ماقات اۋداندارىنىڭ, اتىراۋ قالاسىنىڭ پروكۋرورى, جامبىل جانە باتىس قازاقستان وبلىستارى پروكۋرورىنىڭ ورىنباسارى بولىپ قىزمەت اتقاردى.
2016 جىلدىڭ ماۋسىمىنان باستاپ قىزىلوردا وبلىسىنىڭ پروكۋرورى. پروكۋراتۋرا ورگاندارىنداعى جۇمىس ءوتىلى 27 جىلدان استام. سىنىپتىق شەنى - اعا ادىلەت كەڭەسشىسى. II دارەجەلى «داڭق» وردەنىمەن, كسرو جوعارعى كەڭەسى تورالقاسىنىڭ ينتەرناتسيوناليست جاۋىنگەرگە ارنالعان گراموتاسىمەن جانە باسقا دا جاۋىنگەرلىك مەدالدارمەن ناگرادتالعان.
نۇرلان بيجانوۆ 1976 جىلى تۋعان. پروكۋراتۋرا ورگاندارىنداعى قىزمەتىن قىزىلوردا وبلىسى ارال اۋدانى پروكۋرورىنىڭ كومەكشىسى لاۋازىمىنان باستاعان. باسشى قىزمەتتەردە مول جۇمىس تاجىريبەسى بار. قىزىلوردا وبلىسى پروكۋراتۋراسىنىڭ ءبولىم باستىعى, جامبىل وبلىسى پروكۋراتۋراسىنىڭ باسقارما باستىعى, سىرداريا اۋدانى مەن قىزىلوردا قالاسىنىڭ پروكۋرورى, قىزىلوردا جانە شىعىس قازاقستان وبلىستارى پروكۋرورىنىڭ ورىنباسارى بولدى.
2017 جىلدىڭ قىركۇيەگىنەن باستاپ قازاقستان رەسپۋبليكاسى باس پروكۋراتۋراسىنىڭ اپپاراتى باسشىسىنىڭ ورىنباسارى. پروكۋراتۋرا ورگاندارىنداعى جۇمىس ءوتىلى 21 جىلدان استام. سىنىپتىق شەنى - اعا ادىلەت كەڭەسشىسى. «جاۋىنگەرلىك ەرلىگى ءۇشىن» مەدالىمەن ناگرادتالعان.