بەيسەنبى, 3 مامىر 2012 7:51
اعىمداعى جىلدىڭ قاڭتارىنداعى جولداۋىندا ەلباسى «پرەزيدەنتتىك كادرلىق رەزەرۆىن» قالىپتاستىرۋ توڭىرەگىندە جانە قۇقىق قورعاۋ ورگاندارىنىڭ ساپالى كادرلىق جاڭارتۋ ءماسەلەسىن شەشۋ, بارىنشا قىسقا مەرزىم ىشىندە ونىڭ ءبۇكىل جەكە قۇرامىن قايتا اتتەستاتتاۋ تۋرالى ماسەلەنى قوزعادى. ەندى مىنە, «قازاقستان رەسپۋبليكاسىنىڭ قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويدى.
بەيسەنبى, 3 مامىر 2012 7:51
اعىمداعى جىلدىڭ قاڭتارىنداعى جولداۋىندا ەلباسى «پرەزيدەنتتىك كادرلىق رەزەرۆىن» قالىپتاستىرۋ توڭىرەگىندە جانە قۇقىق قورعاۋ ورگاندارىنىڭ ساپالى كادرلىق جاڭارتۋ ءماسەلەسىن شەشۋ, بارىنشا قىسقا مەرزىم ىشىندە ونىڭ ءبۇكىل جەكە قۇرامىن قايتا اتتەستاتتاۋ تۋرالى ماسەلەنى قوزعادى. ەندى مىنە, «قازاقستان رەسپۋبليكاسىنىڭ قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويدى.
پرەزيدەنت نۇرسۇلتان نازارباەۆتىڭ بۇل جارلىعى ەل تاريحىندا العاش رەت قۇقىق قورعاۋ ورگاندارى ءجۇيەسىندە جاڭا كادرلىق الەۋەتتى قالىپتاستىرۋعا جاسالعان باتىل قادام دەپ بىلەمىن.
بۇل اتتەستاتتاۋدىڭ ماقساتى – قۇقىق قورعاۋ جۇيەسى قىزمەتكەرلەرىنىڭ كاسىبي دايىندىق دەڭگەيىن, بىلىكتىگى مەن بىلىمدىلىگىن, قۇقىقتىق ساۋاتتىلىعى, دەنە ءبىتىمى كەلىستىلىگىن, ولاردىڭ قازىرگى زامانعى تالاپتارعا ءسايكەستىگىن انىقتاۋ جانە مورالدىق-ادامگەرشىلىك جاعىن تەكسەرۋ بولىپ تابىلادى.
قاي سالا بولماسىن, وندا قىزمەت ەتەتىن مامانداردىڭ بىلىكتىلىگى, ادامي-مورالدىق قاسيەتتەرى, جاۋاپكەرشىلىگى, ۇستامدىلىعى, بەيىمدىلىگى, ەتيكاسى جوعارى بولۋى كەرەك. ءار مامان ءوز سالاسىنىڭ كاسىبي شەبەرى بولسا, سوندا عانا جۇمىس ءوز دەڭگەيىندە جۇرەدى. ءاسىرەسە, قۇقىق سالاسىندا قاتەلەسۋگە, ءمۇلت كەتۋگە, «كوز قىستى, بارماق باستى» جاساۋعا ەشقاشان جول بەرىلمەۋى ءتيىس. وكىنىشكە قاراي, سوڭعى كەزدەرى قۇقىق قورعاۋ ورگاندارى قىزمەتكەرلەرىنىڭ ساپالىق ەمەس, ساندىق كورسەتكىشىنىڭ ارتىپ بارا جاتقاندىعى ءجيى ايتىلۋدا. قاراپايىم حالىق قۇقىعىن قورعاۋعا جۇگىنەتىن بىردەن-ءبىر ادىلەتتى دەگەن ورگاننىڭ بەت-بەينەسىنىڭ, بەدەلىنىڭ ءتۇسۋى, ونداعى قىزمەتكەرلەردىڭ قىزمەت بابىن ءوز پايداسىنا شەشىپ نەمەسە اسىرا پايدالانۋى, ادام تاعدىرىن شەشۋدە قاتەلەسۋى, ارينە, كەشىرىلمەيتىن ءجايت. قۇقىقتىق ساناسى تومەن, بىلىكتىلىگى سىن كوتەرمەيتىن قۇقىق ورگاندارىنىڭ وكىلدەرى ازاماتتىق قوعام ءۇشىن ۇلكەن قاۋىپ. سوندىقتان قۇقىق قورعاۋ قۇرىلىمدارىنىڭ بارلىق قىزمەتكەرلەرىن اتتەستاتتاۋدان وتكىزۋ ارقىلى قۇقىق قورعاۋ ورگاندارىن رەتكە كەلتىرۋ وتە ورىندى دەپ بىلەمىن. سونىمەن قاتار, بۇل شارا قۇقىق قورعاۋ ورگاندارىنىڭ قىزمەتىن جەتىلدىرۋ تەتىكتەرىنىڭ ءبىرى دەپ سانايمىن.
«قازىر بوي جارىستىراتىن زامان ەمەس, وي جارىستىراتىن زامان», دەپ ەلباسىمىز ايتقانداي, اتتەستاتتالاتىن ءاربىر قىزمەتكەر بىلەك ەمەس, بىلىمىنە سەنۋى كەرەك. ءوز ىسىنە مىعىم, ماماندىعىن قۇرمەتتەيتىن, بىلىكتى دە ءبىلىمدى ازامات قاشاندا زاڭدى ارقاۋ ەتەدى.
اتتەستاتتاۋ كوميسسياسىنىڭ قۇرامىنا باق وكىلدەرى, عالىم-زاڭگەرلەر, دەپۋتاتتار, قوعامدىق بىرلەستىكتەر وكىلدەرى, پسيحولوگ-ماماندار جانە سول سالانىڭ تاجىريبەلى ماماندارى ەنگەنى دۇرىس بولار ەدى.
ءلاززات ەركىنباەۆا, ى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ءبىرىنشى پرورەكتورى, زاڭ عىلىمدارىنىڭ دوكتورى, پروفەسسور.