قابىلدانعان كەزەكتەن تىس سايلاۋ وتكىزۋ تۋرالى شەشىم ءوز ۋاقىتىندا جاسالعان وتە قاجەتتى جانە وتە ماڭىزدى قادام ەكەنى ءسوزسىز. سونىمەن بىرگە ول دەموكراتيالىق قاعيداتتارعا تولىقتاي جاۋاپ بەرە وتىرىپ, شىن مانىندە ەل مۇددەسىن قورعاۋعا باعىتتالعان.
سەبەبى جالپىحالىقتىق داۋىس بەرۋ ناتيجەسىندە سايلانعان, ەل تاڭداعان مەملەكەت باسشىسى حالىقتىڭ سەنىم مانداتىنا يە بولادى.
ال پرەزيدەنتتىك سايلاۋ كەزىندەگى ءاربىر ازاماتتىڭ جۇرەك قالاۋى قازاقستانىمىزدىڭ ساياسي باعدارىنىڭ تۇراقتىلىعى مەن ساباقتاستىعىن قامتاماسىز ەتەدى. سونىڭ ناتيجەسىندە ءبىز ەلباسىمىز نۇرسۇلتان ءابىش ۇلى نازارباەۆ نەگىزىن قالاعان قازاقستاننىڭ ۇزاق مەرزىمدى دامۋ ستراتەگياسىن تابىستى جۇزەگە اسىرا وتىرىپ, تۇڭعىش پرەزيدەنتىمىز سالعان سارا جولدى ودان ءارى جالعاستىراتىن بولامىز.