«اقتوبە وبلىسىندا «كاسىپكەر انا» جوباسى بويىنشا گرانتتار بەرۋ ارقىلى كوپ بالالى انالاردى دەمەۋشىلەر قاراجاتى ەسەبىنەن بيزنەس نەگىزدەرىنە, بيزنەس جوسپارلاردى ازىرلەۋگە وقىتۋدا.
2019 جىلعى 1-توقساندا وزدەرىنىڭ بيزنەس-جوبالارىن ىسكە اسىرۋ ءۇشىن 25 ايەلگە وقىتۋ, بيزنەس-جوسپارلار جاساۋ, گرانتتار بەرۋ سياقتى كومەك كورسەتىلدى. شىمكەنت قالاسىندا «MEYIRIM» ەلەكتروندىق پورتالى ىسكە قوسىلعان, ول از قامتىلعان ادامدارعا ەلەكتروندىق پورتال ارقىلى الەۋمەتتىك كومەك ۇيىمداستىرۋعا باعىتتالعان. قازىرگى ۋاقىتتا بازادا 500 وتباسى تىركەلگەن, ونىڭ 147-ءسى كوپبالالى وتباسىلار. 2019 جىلعى 1-توقساندا اتالعان جوبا شەڭبەرىندە كوپ بالالى وتباسى ءۇشىن ءبىر ءۇي بەرىلىپ, 173 وتباسىنا 12 ملن. تەڭگە سومادا اقشالاي كومەك كورسەتىلدى. جەكەلەگەن كاسىپكەرلەر از قامتىلعان جۇمىسسىز ازاماتتاردى جۇمىسقا ورنالاستىرۋ بويىنشا مىندەتتەمەلەردى الدى», دەدى مينيستر.
سونىمەن قاتار مينيستر قوستاناي وبلىسىندا «جاس-قانات-2006» جشس باسشىسى كوپ بالالى وتباسىلار ءۇشىن جىل سايىن جۇمىس ورىندارىن اشۋعا دايىن ەكەنىن ءبىلدىردى.
«از قامتىلعان جانە كوپبالالى وتباسىلاردى تۇرعىن ۇيمەن قامتاماسىز ەتۋ پروبلەماسىن شەشۋدە وڭىرلەردە جاقسى تاجىريبەلەر بار. مىسالى, قىزىلوردا وبلىسىندا «بالامەكەن» الەۋمەتتىك جوباسى ىسكە اسىرىلىپ جاتىر, ول «بولات وتەمۇراتوۆ» قورى ەسەبىنەن جەكە ۇيلەر سالۋعا باعىتتالعان. 2019 جىلى 100 پاتەر سالىنادى. ونىڭ ىشىندە اعىمداعى جىلعى 1-توقساندا 11 وتباسى تۇرعىن ۇيمەن قامتاماسىز ەتىلدى. وسى ماقساتتارعا 450 ملن تەڭگە ءبولۋ كوزدەلىپ وتىر», دەدى ب. ساپارباەۆ.
سونداي-اق مينيستر باسقا وبلىستاردا اتقارىلاتىن جوبالارمەن ءبولىستى.
قاراعاندى وبلىسىندا «دەمەۋشىلەر قاراجاتى ەسەبىنەن تۇرعىن ءۇي سالۋ» جوباسى اياسىندا 70 جەكە ءۇي سالىنادى. 2019 جىلعى 1-توقساندا سالىنعان ۇيلەردىڭ 10-ى بەرىلدى. پاۆلودار وبلىسى جاقسى ۇلگى كورسەتۋدە. وسى جىلى وبلىستاعى كاسىپورىنداردىڭ تۇرعىن ءۇيى جوق بارلىق كوپ بالالى جۇمىسكەرلەرى كومپانيا ەسەبىنەن قامتاماسىز ەتىلەدى. سونداي-اق دەمەۋشىلەر, مەتسەناتتار ەسەبىنەن 77 وتباسى جەكە تۇرعىن ءۇيدىڭ يەسى بولادى. ماڭعىستاۋ وبلىسىندا «وزەنمۇنايگاز» اق كومپانياسى از قامتىلعان جانە كوپبالالى وتباسىلارعا 500 پاتەر ساتىپ الۋدى جوسپارلاۋدا. اقتوبە وبلىسىندا «دەمەۋشىلەر قاراجاتى ەسەبىنەن تۇرعىن ءۇي سالۋ» جوباسى شەڭبەرىندە 2021 جىلدىڭ سوڭىنا دەيىن 330 جەكە ءۇي سالىنادى, ونىڭ ىشىندە 2019 جىلى 110 ءۇي سالىنادى. بيىلعى جىلدىڭ 1-توقسانىندا 19 پاتەر بەرىلدى. بۇل رەتتە وبلىستا «قولعانات اقتوبە» قق ارقىلى باستاپقى جارنانىڭ 10%-ىن قارجىلاندىرۋ جولىمەن دەمەۋشىلەردىڭ تۇرعىن ۇيمەن قامتاماسىز ەتۋ مەحانيزمى ەنگىزىلەدى.