2017 جىلدىڭ قورىتىندىسى بويىنشا شاعىن جانە ورتا بيزنەستىڭ ءونىم شىعارۋ كولەمى 23 ترلن تەڭگەنى قۇرادى. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى ر.دالەنوۆ مالىمدەدى.
«ءونىم شىعارۋ قۇرىلىمىنىڭ بەستەن ءبىر بولىگى ونەركاسىپتىڭ ۇلەسىنە تيەسىلى. 2018 جىلعى 9 ايدىڭ قورىتىندىسى بويىنشا شاعىن جانە ورتا بيزنەستىڭ جالپى وڭىرلىك ونىمدەگى ۇلەسى ءارتۇرلى وزگەرگەن. شاعىن جانە ورتا بيزنەستىڭ كوپ ۇلەسى نۇر-سۇلتان, الماتى قالالارىنا جانە شىعىس قازاقستان وبلىسىنا تيەسىلى. ەڭ تومەن بولىگى – قىزىلوردا, پاۆلودار جانە قاراعاندى وبلىستارىندا», دەدى ر.دالەنوۆ.
بۇل رەتتە, سوڭعى 4 جىلدا بىرقاتار وڭىرلەردە شاعىن جانە ورتا بيزنەستىڭ ەكونوميكاداعى ۇلەسىنىڭ تومەندەۋى بايقالادى. ولار باتىس قازاقستان جانە پاۆلودار وبلىستارى.