قيدي ەكسپورتتاۋشىلاردىڭ شىعىندارىن وتەۋ بويىنشا ءوتىنىم قابىلداۋدى باستادى

«قازاقستاندىق يندۋستريانى دامىتۋ ينستيتۋتى» اق  يندۋستريالىق-يننوۆاتسيالىق قىزمەت سۋبەكتىلەرىنەن (ەكسپورتتاۋشىلاردان) وڭدەلگەن وتاندىق تاۋارلاردى ىلگەرىلەتۋ شىعىندارىنىڭ ءبىر بولىگىن وتەۋ تۋرالى وتىنىمدەردى قابىلداۋ ءراسىمىنىڭ باستالعانىن حابارلايدى.

يندۋستريالىق-يننوۆاتسيالىق قىزمەت سۋبەكتىلەرىنىڭ تاۋارلاردى ىلگەرىلەتۋ شىعىندارىنىڭ ءبىر بولىگىن وتەۋ مىناداي تۇرلەر بويىنشا جۇرگىزىلەدى:

1) شەتەلدە جارنامالىق تاۋارلارعا بايلانىستى شىعىندار;

2) حالىقارالىق كورمەلەرگە, جارمەڭكەلەرگە, فەستيۆالدەرگە تىكەلەي قاتىسۋ قۇنى;

3) شەت تىلدەرىنە اۋدارۋ جانە شەتەلگە تاراتۋ ءۇشىن مامانداندىرىلعان كاتالوگتى جاريالاۋعا بايلانىستى شىعىندار;

4) شەتەلدەگى وكىلدىكتى, بولىمشەنى جانە قويمانى ۇستاۋ قۇنىن;

5) شەتەلدە تاۋار تاڭبالارىن (برەندىن) تىركەۋگە بايلانىستى راسىمدەردى جۇرگىزۋ شىعىندارى;

6) تاۋارلاردى شەتەلدە سەرتيفيكاتتاۋعا بايلانىستى راسىمدەردى جۇرگىزۋگە جۇمسالاتىن شىعىندار;

7) تاۋارلاردى تەمىرجول جانە (نەمەسە) اۆتوموبيلمەن (قازاقستان رەسپۋبليكاسى شەگىندە) جەتكىزۋگە بايلانىستى شىعىندار.