ساپاردىڭ العاشقى كۇنى قازاقستاندىق ءسىم باسشىسىنىڭ ورىنباسارى وبلىستىق ينۆەستورلارعا قىزمەت كورسەتۋ ورتالىعىنا باردى, سونداي-اق "اقتوبە" يندۋستريالىق ايماقتىڭ اۋماعىندا ورنالاسقان جوبالارىمەن تانىستى.
جۇمىس ساپارى بارىسىندا ە. كوشەرباەۆ اقتوبە وبلىسىنىڭ ينۆەستورلاردى تارتۋ جانە ينۆەستيتسيالىق احۋالىن جاقسارتۋ جونىندەگى وڭىرلىك كەڭەستىڭ وتىرىسىنا قاتىستى, ونىڭ قورىتىندىسى بويىنشا وڭىرلىك ينۆەستورلاردىڭ سۇراقتارىنا جاۋاپ بەردى.
سىرتقى ساياسي ۆەدومستۆا باسشىسىنىڭ ورىنباسارى ساپارىنىڭ نەگىزگى ءىس-شاراسى بولىپ, وبلىس اكىمى ورازالين ونداسىن, نيدەرلاندى كورولدىگىنىڭ قر-داعى توتەنشە جانە وكىلەتتى ەلشىسى ديرك يان كورپ جانە قر-داعى ماجارستاننىڭ توتەنشە جانە وكىلەتتى ەلشىسى اندراش باراني قاتىسۋلارىمەن وتكەن گوللانديالىق «Food Ventures» توو «Green Capital Kazakhstan» كومپانياسىنىڭ جىلىجاي كەشەنىنىڭ رەسمي تۇردە ىسكە قوسىلۋى بولىپ تابىلدى,
جوبا "قازاگرو" كورپوراتسياسى جانە ۆەنگەرلىك "ەكسيمبانك" قارجىلاندىردى. سونداي-اق, "Green Capital Kazakhstan" قۇرىلىسىنا "Food Ventures"ينۆەستيتسيا سالدى. 2019 جىلى جوبانى ىسكە اسىرۋعا 3,5 ملرد.تەڭگە ءبولىندى, 60 جۇمىس ورنى اشىلدى. اۋدانى 5 گەكتار جىلىجاي سەكتسياسى سالىندى.
كەلەسى كەزەڭدى ىسكە اسىرۋ كەزىندە 2020-2020 جىلدارى تاعى ەكى سەكتسيا اشىلادى, وعان ينۆەستورلار 8,6 ملرد.تەڭگە جۇمساۋدى جوسپارلاپ وتىر.
ايتا كەتۋ كەرەك, قازاقستانعا تەك اقشا قاراجاتى عانا ەمەس, تەحنولوگيالار ترانسفەرتى دە ينۆەستيتسيالاندى: اتالعان جىلىجايدا بەسىنشى ۇرپاقتىڭ ەڭ جاڭا تەحنولوگياسى, گوللانديانىڭ وزىندە بىرنەشە شارۋاشىلىقتاردا عانا ەنگىزىلگەن ۋلترا كليماتتىق جۇيە قولدانىلعان. بۇل جوعارى تەحنولوگيالىق پروتسەسس بيولوگيالىق قورعاۋ مەن رەتسيركۋلياتسيانىڭ ۋلترا زاماناۋي پرينتسيپتەرىمەن ۇيلەسە وتىرىپ بارىنشا ءونىم الۋعا مۇمكىندىك بەرەدى.
جىلىجاي كەشەنىندە قىزاناقتان باسقا بولاشاقتا باكلاجاندار دا وتىرعىزىلماق, ءونىمدى وتكىزۋ نارىعى: بۇل اقتوبە وبلىسى, نۇرسۇلتان, الماتى, شىمكەنت قالالارى, قازاقستاننىڭ باسقا دا وڭىرلەرى, سونداي-اق رەسەي, ەكسپورت ۇلەسىن 80% - عا دەيىن جەتكىزۋ جوسپارلانىپ وتىر.
كاسىپورىن تولىق قۋاتقا شىققان كەزدە جىلىجايدا 12-15 مىڭ توننا كوكونىس جينايتىن بولادى.
"قازاقستاننىڭ تۇڭعىش پرەزيدەنتى-ەلباسى ينۆەستيتسيا تارتۋ ماسەلەسىنە ەرەكشە كوڭىل بولەدى, بۇگىندە قازاقستاندا ينۆەستورلار ءۇشىن بارلىق جاعداي جاسالعان, رەسپۋبليكانىڭ ينۆەستيتسيالىق احۋالىن جەتىلدىرۋ بويىنشا تۇراقتى جۇمىس جۇرگىزىلۋدە. 2018 جىلعى جەلتوقساندا قر سىرتقى ىستەر مينيسترلىگىنە ينۆەستيتسيالاردى تارتۋ جانە ەكسپورتتى ۇيلەستىرۋدى كەڭەيتۋ جونىندەگى فۋنكتسيالار بەرىلدى. قازىرگى ۋاقىتتا ءبىز "شەت ەلدەردەگى مەكەمەلەر – ورتالىق – ءوڭىر" فورماتىندا كەشەندى ەكوجۇيەنى قۇرۋدامىز.
ە. كوشەرباەۆ "بۇگىن ءبىز گوللانديالىق "Food Ventures" جىلىجاي كەشەنىنىڭ ەكىنشى كەزەڭىنىڭ ىسكە قوسىلعانىنا كۋا بولدىق, قازاقستاندا وسى سالاداعى ءىرى كاسىپورىنداردىڭ ءبىرى سالىندى -قازاقستان-ۆەنگريا قورىن قارجىلاندىرۋ اياسىندا گوللاندتىق تەحنولوگيا بويىنشا جىلىجاي. بۇل جوبا قازاقستان رەسپۋبليكاسى مەن نيدەرلاند كورولدىگى اراسىنداعى ساۋدا-ەكونوميكالىق قاتىناستاردى ودان ءارى نىعايتۋعا ىقپال ەتەتىن بولادى دەپ سەنەمىن" - دەپ اتاپ ءوتتى.
قر ءسىم-ءنىڭ ينۆەستيتسيالاردى تارتۋ جونىندەگى مەملەكەتتىك ساياساتتى جۇرگىزۋدە نەگىزگى باعىتتارىنىڭ ءبىرى, بيۋروكراتيا مەن اۋرە-سارساڭعا سالۋشىلىققا جول بەرمەيتىن الەۋەتتى ينۆەستورلار ءۇشىن بىرەگەي جاعدايلار جاساۋ بولىپ تابىلادى, ءدال وسىنداي قۇرال ينۆەستورلارعا قىزمەت كورسەتۋدىڭ وڭىرلىك فرونت-وفيستەرى بولۋعا ءتيىس.
اقتوبە وبلىسىنىڭ بۇل ماسەلەدە ماقتانا الادى,مۇندا ءبىر جەردە ء"بىر تەرەزە" قاعيداتى بويىنشا ينۆەستورلار ءۇشىن بارلىق قىزمەتتەر كورسەتىلەدى. وبلىستىڭ تاعى ءبىر "نوۋ-حاۋ" - اقتوبە ءوڭىرىنىڭ ونىمدەرىن اسپان استى نارىقتارىنا جىلجىتۋ جانە ينۆەستيتسيا تارتۋ ءۇشىن قىتايدا ءوڭىردىڭ وكىلدىگىن اشۋ.
نيدەرلاندى قازاقستانداعى ءىرى ينۆەستورلاردىڭ ءبىرى بولىپ تابىلادى, جالپى رەسپۋبليكادا گوللاند كاپيتالىنىڭ قاتىسۋىمەن مىڭنان استام كومپانيا جۇمىس ىستەيدى, ال 2005–2018 جىلدارى ەلىمىزگە نيدەرلاندىدان 82,8 ملرد. اقش دوللارى تارتىلدى, بۇل ءبىزدىڭ ەلىمىزگە تىكەلەي شەتەلدىك ينۆەستيتسيالاردىڭ جالپى اعىنىنىڭ ۇشتەن ءبىرىن قۇرايدى.
ەستەرىڭىزگە سالا كەتەيىك, وتكەن جىلى ەكى ەل اراسىنداعى تاۋار اينالىمى 6,5 ملرد. اقش دوللارىن قۇرادى, ەكسپورت - 6,2 ملرد. اقش دوللارىنا جەتتى, ال يمپورتتىڭ سوماسى 0,3 ملرد. اقش دوللارىنا جەتتى.