ءۇشىنشى ورىن ءۇشىن بولعان باسەكەدە جاناربەك ءاشىمجان باستاعان الماتىنىڭ جىگىتتەرى «حابار» اگەنتتىگىنىڭ وسال تۇسىن تاپتى.
فينالدا «سىعاناق» پەن «Taraz-Press» كەزدەستى. بۇل ماتچتا نەگىزگى ۋاقىت تەڭ اياقتالدى. ويىن سوڭىنداعى پەنالتيدە باعى باسىم تۇسكەن «سىعاناق» كومانداسى «جاڭارعان تۇركىستان» رەسپۋبليكالىق ءتۋرنيرىنىڭ چەمپيونى اتاندى.
جەڭىمپاز بەن جۇلدەگەرلەردى تۇركىستان وبلىستىق ىشكى ساياسات باسقارماسىنىڭ باسشىسى بەيسەنباي تاجىباەۆ ماراپاتتادى. وزا شاپقان «سىعاناق» (قىزىلوردا وبلىسى) كومانداسى كۋبوكپەن, مەدالدارمەن جانە 500 مىڭ تەڭگە كولەمىندە اقشالاي سىيلىقپەن ماراپاتتالدى. ەكىنشى ورىندى جەڭىپ العان «Taraz-Press» – 300 مىڭ, ال, قولا جۇلدەگەر اتانعان الماتى قۇراماسى 150 مىڭ تەڭگەگە يە بولدى.
ء تۋرنيردىڭ «ۇزدىك ويىنشىسى» سىيلىعىمەن بەلگىلى سپورت ءجۋرناليسى, الماتى قالاسىنىڭ وكىلى جاندوس ايتباي ۇلى ماراپاتتالسا, «حابار» اگەنتتىگىنىڭ كاپيتانى نۇرسۇلتان قۇرمان ۇزدىك شابۋىلشىسى دەپ تانىلدى. جاستارمەن تەڭ دارەجەدە ويناپ, شەبەرلىگىن پاش ەتكەن شوقان ماحانوۆ (الماتى) ۇزدىك قاقپاشى اتانسا, ءتۋرنيردىڭ «ۇزدىك قورعاۋشىسى» سىيلىعىمەن الماتى وبلىسىنان كەلگەن رۇستەم قاناپيانوۆ ماراپاتتالدى.
«جاڭارعان تۇركىستان» دوداسىندا ەڭ ارداگەر ويىنشى اتانعان «ورال ءوڭىرى» گازەتىنىڭ باس رەداكتورى باۋىرجان عۇبايدۋللينگە (بقو) وكتيابر جارىلعاپوۆ اتىنداعى سىيلىق تاپسىرىلدى. ال ءادىل ءارى تازا ويناعانى ءۇشىن ءابدىسالان نۇرماحانوۆ اتىنداعى سىيلىققا «سولتۇستىك قازاقستان» گازەتىنىڭ باس رەداكتورى ەرباقىت امانتاي (سقو) لايىق دەپ تانىلدى. كورەرمەن كوزايىمىنا اينالا بىلگەن «قازاق سپورتى» گازەتىنىڭ ءجۋرناليسى بەك تولەۋگە بەكزات ساتتارحانوۆ اتىنداعى جۇلدە تاپسىرىلدى.
جالپى 130-داي ادام قاتىسقان «جاڭارعان تۇركىستان» رەسپۋبليكالىق تۋرنيرىنە قاتىسۋشىلار قوناقجاي تۇركىستان جۇرتشىلىعىنا ريزاشىلىقتارىن ءبىلدىرىپ, قاسيەتتى شاھاردان كوتەرىڭكى كوڭىل-كۇيمەن اتتاندى.