اقتوبە وبلىسىنىڭ اكىمى وڭداسىن ورازالين حرومتاۋ اۋدانىنىڭ كوكتاۋ اۋىلىندا ەكى بىردەي ەڭبەك ۇجىمدارىمەن كەزدەستى. ولار «رۋسسكايا مەدنايا كومپانيا» جاق حولدينگىنىڭ قۇرامىنا كىرەتىن «اقتوبە مىس كومپانياسى» جشس جانە «كوپپەر تەحنولودجي» جشس. كەزدەسۋ وڭىرگە ارنايى كەلگەن رمك پرەزيدەنتى ۆسەۆولود لەۆيننىڭ سونداي-اق, وبلىستىق كاسىپوداق وكىلدەرىنىڭ قاتىسۋىمەن وتتى.
وندىرىستىك قىزمەتتىڭ ناتيجەلەرى جانە ۇجىمدىق كەلىسىمنىڭ 2018 جىلى قالاي ىسكە اسىرىلعانى تۋرالى كاسىپورىننىڭ باس ديرەكتورى ناتاليا بوندارەنكو ەسەپ بەردى. ونىڭ ايتۋىنشا, ەسەپتى كەزەڭدە «اقتوبە مىس كومپانياسى» جشس نەگىزگى كاپيتالعا 10,6 ملرد تەڭگەدەن استام قارجى قۇيسا, «كوپپەر تەحنولودجي» جشس نە 4,5 ملرد تەڭگە سالدى. الەۋمەتتىك پاكەت جۇمىسى كۇشەيتىلىپ, جالاقى 4%-كە ارتقان. قازىرگى كەزدە ەكى كاسىپورىندا 1500-گە جۋىق ادام قىزمەت ەتۋدە.
كاسىپورىن الەۋمەتتىك جاۋاپكەرشىلىك ءپرينتسيپىن دە ساقتايدى. ماسەلەن, اقتوبەدە 2018 جىلى ولاردىڭ قاتىسۋىمەن سال اۋرۋىنا شالدىققان, اۋتيزم, نەيرو-تىرەك-قيمىل اپپاراتىنىڭ پاتولوگياسىمەن اۋىراتىن بالالارعا «ايالا» وڭالتۋ ورتالىعى اشىلعان ەدى.
ايماق باسشىسى 2019 جىلعا ارنالعان مىندەتتەر مەن تاپسىرمالاردى ايتا كەلە, ءوندىرىس كولەمىن ودان ءارى ارتتىرۋ, كاسىپورىنداردى دامىتۋعا ينۆەستيتسيا تارتۋ, ەڭبەك رەسۋرستارىنىڭ ساپاسىن تۇبەگەيلى جاقسارتۋ قاجەتتىگىن اتاپ ءوتتى.
«تۇتاستاي العاندا, كاسىپورىن باسشىلارىنىڭ ەسەپتەرى قاناعاتتانارلىق, جۇمىس بەرۋشىلەر مەن ەڭبەك ۇجىمدارى اراسىنداعى الەۋمەتتىك-سەرىكتەستىك قارىم-قاتىناستار تۇراقتى, ال باسشىلىق ەلباسىمىزدىڭ تاپسىرمالارىن تۇسىنۋدە. ارينە, ونىمدىلىك كورسەتكىشىنەن بولەك, جۇمىسشىلار الدىنداعى بارلىق الەۋمەتتىك مىندەتتەمەلەر تولىق كولەمدە ورىندالۋى ءتيىس», - دەدى وڭداسىن ورازالين.
سونىمەن بىرگە, وبلىس اكىمى «اقتوبە مىس كومپانياسى» جشس جانە «كوپپەر تەحنولودجي» جشس-ءنىڭ باستاۋىش كاسىپوداق ۇيىمدارىن قۇرۋ قاجەتتىلىگىن ەرەكشە اتاپ ءوتىپ, بۇل ماسەلەنىڭ ۇيىمداسقان تۇردە شەشىلۋىن ۇسىندى. ايماق باسشىسى ەڭبەك اقىسىن كوتەرۋ جانە الەۋمەتتىك پاكەتتى كەڭەيتۋ ارقىلى قىزمەتكەرلەردىڭ ماتەريالدىق ءال-اۋقاتىن ودان ءارى ارتتىرۋ قاجەتتىگىن اتاپ ءوتتى.
وز كەزەگىندە, ۆسەۆولود لەۆين كومپانيا ارۋاقىتتا جەرگىلىكتى اتقارۋشى ورگاندارعا,تاپسىرمالاردى ورىنداۋ بويىنشا بىرىگە جۇمىس جاسايتىنىنا سەنىم بىلدىردى.
كەزدەسۋ, ەڭبەك قاتىناستارىن رەتتەۋ جانە قىزمەتكەرلەرگە الەۋمەتتىك كەپىلدىكتەر بەرۋدە وڭىرلىك دەڭگەيدە كەلىسىلگەن ارەكەتتەر مەن ءوزارا تۇسىنىستىك تۋرالى ۇشجاقتى مەموراندۋمعا قول قويۋمەن اياقتالدى.
جيىننان سوڭ وبلىس اكىمى «اقتوبە مىس كومپانياسى» جشس-ءنىڭ №1 بايىتۋ زاۋىتىن جاڭعىرتۋ بارىسىمەن تانىستى.